كەشە بايلانىس جانە اقپارات مينيسترلىگىندە كولىك جانە بايلانىس قىزمەتكەرلەرى كۇنىنە وراي مينيستر اسقار جۇماعاليەۆ اتالمىش سالادا ەڭبەگى سىڭگەن 95 قىزمەتكەرگە “قۇرمەتتى بايلانىسشى” اتاعىن سالتاناتتى جاعدايدا تابىس ەتتى. سونداي-اق, سالانىڭ بىرقاتار قىزمەتكەرلەرىن مينيسترلىكتىڭ قۇرمەت گراموتاسىمەن ماراپاتتادى.
جيىندا مينيستر اسقار جۇماعاليەۆ سالا قىزمەتكەرلەرىن ايتۋلى مەرەكەلەرىمەن قۇتتىقتاي كەلە, ولاردىڭ جۇمىستارىنىڭ ماڭىزدى ەكەنىن, ەلىمىزدىڭ بايلانىس سالاسىنداعى كۇندەلىكتى قىزمەتتەرىنە قازاقستاندىقتاردىڭ ريزا ەكەندىكتەرىن تىلگە تيەك ەتتى. بۇگىنگى تاڭدا راديو, تەلەفون جانە ينتەرنەتسىز ءومىر ءسۇرۋدى ەلەستەتۋ قيىن ەكەنىن ەسكەرسەك, وتانىمىزدىڭ تۇكپىر-تۇكپىرىندە وتىرىپ, الەممەن اقپارات الماسۋعا ەل تۇرعىندارىنىڭ مۇمكىندىك الۋى ءۇشىن جۇمىس جاساپ جاتقان وسى سالا قىزمەتكەرلەرىنىڭ ەڭبەكتەرى ۇشان-تەڭىز ەكەنىن كورەمىز, دەگەن مينيسترلىك باسشىسى ەلىمىزدەگى بارلىق اۋىل-ايماقتاردىڭ تەلەفونداندىرىلعاندىعى, جەلىلىك بايلانىستاعى ماسەلەلەردىڭ شەشىلگەنى سالا قىزمەتكەرلەرىنىڭ قاجىرلى ەڭبەكتەرىنىڭ ناتيجەسى ەكەنىن باسا ايتتى. سونداي-اق, ول جىل سوڭىنا دەيىن سپۋتنيكتىك تەلەۆيزيانى ىسكە قوسۋدىڭ جوسپارلانىپ وتىرعانىن, اۋىل تۇرعىندارىنىڭ 35 تەلەارنالاردىڭ, ونىڭ ىشىندە قازاقستاندىق تەلەارنالار دا بار, حابارلارىن قاراۋ مۇمكىندىگىنە يە بولاتىندىعىن نازاردان تىس قالدىرمادى.
مەرەكە كۇنىنە وراي ماراپاتتالعان قىزمەتكەرلەردىڭ اراسىندا “قازاقتەلەكوم” اق, “قازپوشتا” اق, “ترانستەلەكوم” اق, “Smart ءUnىcom” جانە ء“نۇرسات” اق جانە وزگە دە بايلانىس سالاسىنداعى كومپانيالار وكىلدەرى بولدى. ولاردىڭ ىشىندە “قۇرمەتتى بايلانىسشى” اتاعىمەن ن.بوچانوۆ (“قازاقتەلەكوم” اق), س.ءجۇنىسوۆ (“قازپوشتا” اق), ا.مازۋنوۆ (“ترانستەلەكوم” اق), ج.بەكتۇرعانوۆ (“قازتەلەراديو” اق) ت.ب. بار. مينيسترلىكتىڭ قۇرمەت گراموتاسىمەن ب.اسانباەۆا, ۆ.يارەشەنكو, ب.وسپانوۆ جانە سالانىڭ باسقا دا قىزمەتكەرلەرى, جالپى سانى 74 ادام ماراپاتتالدى. سونىمەن قاتار, مەرەكەلىك سىيلىقتان سالا ارداگەرلەرى دە قالىس قالعان جوق.
جيىن سوڭىندا بايلانىس سالاسىنىڭ ارداگەرلەرى اتىنان ءسوز العان ەلىمىزگە ەڭبەگى سىڭگەن بايلانىسشى وتەگەن ابىلقاسىموۆ: “بۇل مەيرام جارتى عاسىردان استام عۇمىرىن وسى سالاعا ارناعان مەن ءۇشىن وتە ەرەكشە كۇن بولىپ سانالادى. مەن بۇل كۇندى قاشاندا قۇرمەتپەن قارسى الامىن. وتانىمىزدىڭ بايلانىس سالاسى نىعايا ءتۇسىپ, بايلانىس قىزمەتكەرلەرى حالىقتىڭ العىسىنا بولەنە بەرسىن”, – دەگەن تىلەگىن جەتكىزدى.
ءابدىراحمان قىدىربەك.