ارىپتەستەرىمىز “قۇرمەتتى ازامات” اتاندى

رەسپۋبليكالىق “ەگەمەن قا­زاقستان” گازەتىنىڭ رەداكتسياسىنا استانالىق اقمولا وبلىسىنان قوس بىردەي قۋانىشتى حابار جەتتى. ەڭبەكشىلدەر اۋداندىق ءماسليحاتىنىڭ 2010 جىلعى 2 شىلدەدەگى № س – 24/9 شە­شى­مىمەن “ەگەمەن قازاقستان” گازەتى باس رەداكتورىنىڭ ورىن­باسارى سامات مۇساعا جانە زە­رەندى اۋداندىق ءماسليحاتىنىڭ 2010 جىلعى 21 شىلدەدەگى № 31 202 شەشىمىمەن رەداكتسيانىڭ الماتى بولىمشەسىنىڭ مەڭ­گەرۋشىسى قور­عانبەك امان­جو­لوۆقا اتالعان اۋدانداردىڭ قۇر­مەتتى ازاماتى اتاعى بەرىلدى. ارىپتەستەرىمىز بۇل قۇرمەتكە وزدەرى تۋىپ-وسكەن اۋدانداردىڭ الەۋمەتتىك-ەكونوميكالىق دا­مۋىنا زور ۇلەس قوسقانى, ءمىنسىز ەڭبەگى مەن شىعارماشىلىق تابىستارى, جوعارى ازاماتتىق جاۋاپكەرشىلىگى ءۇشىن يە بولىپ وتىر. قارىمدى قالام­داس­تارىمىزدى بيىك اتاقتارىمەن قۇتتىقتاپ, جاڭا بەلەستەردەن كورىنە بەرۋىنە تىلەك قوسامىز. سونىمەن قاتار, وسىنداي اتاقتار گازەتىمىزدىڭ بەلسەندى اۆتورلارى “بالبۇلاق” بالالار جۋر­نالىنىڭ رەداكتورى, جا­زۋشى ماعيرا قوجاحمەتوۆاعا, اقمولا وبلىستىق تىلدەردى دامىتۋ باسقارماسىنىڭ باس­تىعى, جۋرناليست عوسمان تولەعۇلعا, جۋرناليست-جازۋشى جا­ناتاي بەكەنوۆكە دە بەرىلدى. باقبەرگەن امالبەك. اقمولا وبلىسى. *** كەشە سونداي-اق شىعىس قازاقستان وبلىسى, زايسان اۋدانىنان دا قۋانىشتى حابار جەتتى. وسى اۋداندا تۋىپ-ءوس­كەن, اۋداندىق “دوستىق” , وب­لىستىق “ديدار” گازەت­تە­رىندە جە­­مىستى قىزمەت اتقارعان “ەگە­مەن قازاق­ستاننىڭ” شولۋ­شى­سى, باق سالاسىنداعى پرە­زي­دەنت گرانتىنىڭ يەگەرى سۇڭعات الىپبايعا زايسان اۋدان­دىق ءماسليحاتىنىڭ شە­شى­مىمەن زايسان اۋدانىنىڭ قۇرمەتتى ازاماتى اتاعى بەرىلدى.