استانا. 4 ءساۋىر. اقش-تىڭ كولورادو شتاتىندا تولاسسىز جاۋعان قاردىڭ سالدارىنان ءبىر مەزەتتە 39 اۆتوكولىك سوقتىعىسىپ قالدى. بۇل تۋرالى ريا «نوۆوستي» حابارلادى.
وقيعا بوۋلدەر قالاسىنىڭ ماڭىندا بولعان. بىرنەشە ساعات بويى جاۋعان قار بورانعا ۇلاسىپ, كورۋ مۇمكىندىگى ازايعان. ناتيجەسىندە, جۇرگىزۋشىلەر الداعى كولىك اپاتىن دەر كەزىندە كورمەي, بىرىنەن سوڭ ءبىرى سوقتىعىسۋعا ءماجبۇر بولعان. جەرگىلىكتى اقپارات قۇرالدارىنىڭ حابارلاۋىنشا, اپاتتان زارداپ شەككەندەر جوق.
اپات بولعان تاسجول بىرنەشە ساعاتقا جابىلدى. كۋاگەرلەردىڭ ايتۋىنشا, كولورادودا مۇنداي جول-كولىك وقيعالارى ءجيى بولادى. «سەبەبى, بىزدە اۋا رايى اياق استىنان قۇبىلىپ شىعا كەلەدى. ءتىپتى ءبىر تاۋلىكتە جىلدىڭ ءتورت مەزگىلىنە ءتان كۇن رايىن بايقاۋعا بولادى», – دەيدى جەرگىلىكتى تۇرعىنداردىڭ ءبىرى.
ەلامان قوڭىر.
دەرەك: ريا «نوۆوستي».
سۋرەت: runews24.ru.