قاراعاندى. 4 ءساۋىر. قاراعاندى قالاسىنىڭ تۋماسى بەلارۋس مەملەكەتىندە ىشكى ىستەر ورگاندارى وبلىستىق بۋىنىنىڭ باستىعى بولىپ تاعايىندالدى. بۇل تۋرالى «نارودنىە ۆەستي ۆيتەبسكا» سايتىنا سۇيەنگەن 365Info.kz حابارلادى.
«قازاقستاننىڭ تۋماسى بەلارۋستە ميليتسيا باستىعى بولدى. بەلارۋس پرەزيدەنتى الەكساندر لۋكاشەنكو ميليتسيا گەنەرال-مايورى ۆيكتور سەنكونى ۆيتەبسك وبلىستىق اتقارۋ كوميتەتى ىشكى ىستەر باسقارماسىنىڭ باستىعى ەتىپ تاعايىندادى», - دەلىنگەن حابارلامادا.
گەنەرال-مايور ۆيكتور سەنكو 1965 جىلى قاراعاندىدا تۋعان. ول بەلارۋس رەسپۋبليكاسى ىشكى ىستەر مينيسترلىگىنىڭ اكادەمياسىن بىتىرگەن. 1989 جىلدان ىشكى ىستەر ورگاندارىندا قىزمەت ەتەدى.
جاڭا تاعايىنداۋعا دەيىن سەنكو مينسك وبلىستىق اتقارۋ كوميتەتى ىشكى ىستەر باسقارماسى باستىعى بولىپ ىستەگەن. «بۇل سوڭعى 12 جىلدا عانا ەمەس, بالكىم, ۆيتەبسك وبلىستىق اتقارۋ كوميتەتى ىشكى ىستەر باسقارماسىنىڭ بارلىق تاريحىندا ءبىرىنشى رەت باسقارماسىن گەنەرال-مايور شەنىندەگى تۇلعانىڭ باسقارۋى شىعار», - دەپ اتاپ كورسەتەدى وسى ورايدا سايت ءتىلشىسى.
ايقىن نەسىپباي.
دەرەك, فوتو: 365Info.kz.