«اق جول» مەملەكەتتىڭ كاسىپكەرلىك قىزمەتكە قاتىسۋىن شەكتەۋ بويىنشا زاڭىن قولدايدى ءجانە مەيلىنشە قۋاتتايدى. بۇل ءجونىندە زاڭ جوباسىنىڭ ءبىرىنشى وقىلىمىنىڭ بارىسىندا پارتيا توراعاسى ازات پەرۋاشەۆ ءمالىمدەگەنىن ەسكە تۇسىرەيىك.
ءماجىلىس ول بويىنشا جۇمىستى اياقتادى – زاڭ جوباسى ەكىنشى وقىلىمدا قابىلداندى. ءماجىلىستىڭ پلەنارلىق وتىرىسىندا ونى تالقىلاۋ بارىسىندا «اق جول» قدپ پارلامەنتتىك فراكتسياسىنىڭ اتىنان ەكاتەرينا نيكيتينسكايا ءسوز سويلەدى.
ول زاڭ جوباسىنىڭ وزەكتىلىگى مەملەكەتتىڭ سوڭعى ون جىلدا ەكونوميكاعا قاتىسۋىنىڭ رەتروسپەكتيۆالىق تالداۋىمەن دالەلدەندى, ول جونىندە زاڭ جوباسىن ءبىرىنشى تالقىلاۋ بارىسىندا ەگجەي-تەگجەيلى ايتىلدى دەپ اتاپ ءوتتى.
«بيزنەستىڭ قاتىسى بار جانە «Yellow Pages Rule» ۇستانىمدارى زاڭنامامەن بەكىتىلگەن ەكونوميكانىڭ سالالارىندا مەملەكەتتىڭ قاتىسۋ ۇلەسىن قىسقارتۋعا باعىتتالعان ازىرلەۋشىلەردىڭ ۇسىنعاندارىنان تىس, زاڭ جوباسىمەن جۇمىس ىستەۋ بارىسىندا دەپۋتاتتارمەن قويىلعان مىندەتتەردى ىسكە اسىرۋعا ىقپال ەتەتىن ەلەۋلى ۇستانىمدار ەنگىزىلدى», دەپ اتاپ ءوتتى ە.نيكيتينسكايا. مىسال رەتىندە ول ەنشىلەس جانە باس كومپانيالاردىڭ اكتسيالارىمەن توعىسپالى يەلەنۋىنە تىيىم سالۋ, كوپشىلىك كومپانيالار ءۇشىن اكتسيالارمەن ءوزارا يەمدەنۋگە 10 پايىزدىق شەك ەنگىزۋ, كوپشىلىك كومپانيالار ءۇشىن ىشكى اۋديت قىزمەتىن مىندەتتى تۇردە قۇرۋ بويىنشا نورمالارىن كەلتىردى.
ونىڭ پىكىرى بويىنشا, بۇگىنگى كۇندە بۇل تاسىلدەمەلەردى مينوريتارلىق اكتسيونەرلەردى ارنايى قولداۋ تەتىكتەر رەتىندە ىسكە اسىرۋدىڭ ماڭىزدىلىعى كەلەسىمەن بايلانىستى: جەكەشەلەندىرۋدىڭ ەكىنشى تولقىنىنىڭ جانە «حالىقتىق IPO» اياسىندا وتكەن جىلى «KEGOC» اق-تى قور نارىعىنا شىعارۋ ىسكە اسىرىلدى, ال 2015 جىلى «سامۇرىق-قازىنا» قورى توپتارىنىڭ 17 اكتيۆىن, «قازترانسگاز ايماق» اق, «الاتاۋ جارىق كومپانياسى» اق, «الماتينسكيە ەلەكتريچەسكيە ستانتسي» اق, «الماتىەنەرگوسبىت» جشس, «تەگىس مۇناي» جشس سياقتى ءىرى كومپانيالارىن قوسا العاندا جانە ت.ب ساتۋعا شىعارۋ جوسپارلانىپ وتىر.
«ءماجىلىس دەپۋتاتتارىمەن ەنگىزىلگەن نورمالار وتاندىق ىسكەرلىك پراكتيكاسىندا ليزينگتى پايدالانۋ مۇمكىندىكتەرىن دە ەداۋىر كەڭەيتەدى, – دەپ سانايدى اقجولدىقتار. – ويتكەنى, نەگىزگى قورلاردى جاڭارتۋ – وتاندىق ءوندىرىستىڭ ەڭ «وسال جەرىنىڭ» ءبىرى. ونىڭ ۇستىنە, 40 پايىز يمپورت تۋرا وسى جابدىقتاردىڭ ۇلەسىنە كەلەدى.
«اق جول» دەپۋتاتتارى تاراپىنان كوتەرىلگەن مەملەكەتتىك قاتىسۋمەن جاڭا كاسىپورىنداردى قۇرۋعا تىيىم سالۋدى ەنگىزۋ تۋرالى ماسەلە دە ءوزىنىڭ شەشىمىن تاپتى. ماسەلەن, زاڭ جوباسىندا, دەپۋتاتتاردىڭ ۇسىنىستارى بويىنشا, شاعىن بيزنەس سالاسىندا كۆازيمەملەكەتتىك قۇرىلىمداردى قۇرۋعا تىيىم سالۋ بەلگىلەندى جانە مەملەكەتتىك كاسىپورىندار ءۇشىن ەنشىلەس جانە تاۋەلدى ۇيىمدار قۇرۋ بويىنشا شەكتەۋلەر قاراستىرىلعان.
ودان باسقا, ازىرلەۋشىلەرمەن بانكروتتىق وندىرىستە تۇرعان كاسىپورىنداردىڭ ميكروقارجى ۇيىمدارىندا نەسيەلەۋدى ىسكە اسىرۋعا مۇمكىندىك بەرەتىن ۇستانىمدارى الىنىپ تاستالدى.
«قويىلعان مىندەتتەردىڭ ىسكە اسىرىلۋى سەبەپتى, «اق جول» پارتياسىنىڭ فراكتسياسى بۇل قۇجاتتى قازاقستان ەكونوميكاسى دامۋىنىڭ نارىقتىق جولىنىڭ ساقتالۋىنىڭ ماڭىزدى فاكتورى رەتىندە قاعيداتتى تۇرعىدان قولدايدى جانە مەيلىنشە قۋاتتايدى», دەپ مالىمدەدى ە.نيكيتينسكايا جانە دەپۋتات-ارىپتەستەرىن زاڭ جوباسىن ەكىنشى وقىلىمدا قولداۋعا شاقىردى.
اسقار تۇراپباي ۇلى,
«ەگەمەن قازاقستان».