جاقىندا قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى زاۋىتبەك تۇرىسبەكوۆ ۋكراينانىڭ رەسەيدەگى توتەنشە جانە وكىلەتتى ەلشىسى ۆلاديمير ەلچەنكومەن كەزدەستى, دەپ حابارلادى ەلشىلىكتىڭ ءباسپاسوز قىزمەتى. كەزدەسۋدە ەكىجاقتى ارىپتەستىككە نەگىز بولاتىن ماسەلەلەر ءجونىندە پىكىر الماسىلدى. ۋكراينا ەلشىسى ءوزىنىڭ سوزىندە قازاقستاننىڭ ەقىۇ-عا توراعالىق ەتۋىنە جوعارى باعا بەرە كەلىپ, ەلىمىزدىڭ حالىقارالىق قاۋىپسىزدىكتى قامتاماسىز ەتۋدەگى ءىس-قيمىل مەن رولىنە توقتالىپ ءوتتى.
ەلشى زاۋىتبەك تۇرىسبەكوۆ سول كۇنى, سونداي-اق, استانا جانە الماتى قالالارىنىڭ ءميتروپوليتى, ارحيەپيسكوپ الەكساندرمەن دە كەزدەسۋ وتكىزدى. ارحيەپيسكوپ ءوز سوزىندە قازاقستان باسشىلىعىنىڭ تولەرانتتىلىقتى نىعايتۋ, ەلدەگى ەتنيكاارالىق جانە دىنارالىق كەلىسىمدى ساقتاۋ باعىتىندا اتقارىپ جاتقان جۇمىستارىن جوعارى باعالادى. ونىڭ پىكىرىنشە, قازاقستان ءدىني-رۋحاني قۇندىلىقتاردى ەڭ جوعارى قوياتىن, سول ارقىلى ءوز ەلىن ورگە سۇيرەيتىن ەل رەتىندە كوپشىلىككە ۇلگى بولا الادى.
“ەگەمەن-اقپارات”.