مەرەكە قارساڭىنداعى يگى شارالار اياسىندا استانا قالاسى اكىمدىگىنىڭ ونكولوگيالىق ورتالىعى نەگىزىندە جوعارى تەحنولوگيالى جاڭا راديولوگيالىق كومەك كورسەتۋ ورتالىعى اشىلدى. جاڭا ورتالىقتاعى زاماناۋي ەمدەۋ قۇرىلعىلارى ساۋلەلىك تەراپيا كەزىندە اعزانىڭ ءتىرى جاسۋشالارىنا كەرى اسەرىن تيگىزبەۋگە مۇمكىندىك بەرەدى.
ەلوردادا قازاقستان رەسپۋبليكاسىنىڭ 2012-2016 جىلدارعا ارنالعان ونكولوگيالىق كومەك كورسەتۋدى دامىتۋ باعدارلاماسى نەگىزىندەگى شارالار بەلسەندى تۇردە جۇزەگە اسىرىلىپ كەلەدى. قالالىق ونكولوگيالىق ورتالىقتى ەلىمىزدەگى ەڭ ءىرى ەمدەۋ-پروفيلاكتيكالىق جانە عىلىمي-پەداگوگيكالىق ورتالىق دەپ اتاۋعا تولىق نەگىز بار. مۇندا سىرقاتتاردى ساۋىقتىرۋ جانە عاسىر كەسەلىنىڭ الدىن الۋ ماقساتىندا كەشەندى ەمدەۋ جۇرگىزىلەدى.
سوڭعى ۋاقىتتا ەلوردادا ونكولوگيالىق اۋرۋلارعا شالدىققان ناۋقاستار سانىنىڭ ازايۋى بايقالادى. قازىرگى كەزدە 7146 ادام ديسپانسەرلىك باقىلاۋدا تۇر. 2013 جىلى ورتالىق ءسۇت بەزى قاتەرلى ىسىگىنىڭ سكرينينگىنە ارنالعان تسيتولوگيا اپپاراتىمەن, تەلەپاتولوگيا اپپاراتىمەن جانە رەنتگەن قۇرىلعىسىمەن جابدىقتالعان بولاتىن.
«ەگەمەن-اقپارات».