...وبلىس پروكۋرورى جۋرناليستەرمەن كەزدەستى
وتكىزىلگەن ءباسپاسوز ءماسليحاتىندا وبلىس پروكۋرورى, ادىلەت گەنەرال-مايورى ءابدىقادىر كارىم ۇستىمىزدەگى جىلدىڭ التى ايىندا اتقارىلعان قاداعالاۋ جۇمىستارىنا توقتالىپ ءوتتى. 2010 جىلدىڭ جارتى جىلىندا 1294 تەكسەرۋ جۇرگىزىلىپ, 12,5 مىڭنان اسا زاڭ بۇزۋشىلىق انىقتالدى. ەكى مىڭداي ادام ءتۇرلى جاۋاپكەرشىلىككە تارتىلىپ, 16 قىلمىستىق ءىس قوزعالسا, 26 مىڭنان استام ازاماتتىڭ كونستيتۋتسيالىق قۇقىقتارىنىڭ قورعالۋى قامتاماسىز ەتىلدى.
پروكۋرورلار شارۋاشىلىق پەن الەۋمەتتىك سالالارعا جاساعان تەكسەرۋلەرىندە كوپتەگەن قاتەلىكتەردى انىقتادى. اسىرەسە, ءوڭىر ەكولوگياسىنا زيان كەلتىرگەندەر قاداعالاۋدان تىس قالمادى. وبلىس پروكۋراتۋراسىنىڭ ۇسىنىسىمەن قورشاعان ورتاعا مولشەردەن تىس ەميسسيا تاستاعان “قوستاناي مينەرالى” اق-تان مەملەكەتكە 93 ملن-نان استام تەڭگە ءوندىرىلدى.
پروكۋرورلار وبلىستاعى قىلمىستىق احۋال جانە سىبايلاس جەمقورلىققا قارسى كۇرەس ءتوڭىرەگىندە جۋرناليستەردى قىزىقتىرعان سۇراقتارعا جاۋاپ قايتاردى.
ءنازيرا جارىمبەتوۆا, قوستاناي.
...“زاڭ جانە كاسىپكەر” اكتسياسى اياقتالدى
قاراعاندى قالالىق پروكۋراتۋراسى, “نۇر وتان” حدپ قالالىق فيليالى جانە كاسىپكەرلەر قاۋىمداستىعى بىرلەسىپ وتكىزگەن بۇل شارا بيزنەستىك قۇرىلىمداردىڭ ءوز ءىس-قىزمەتىن جۇرگىزۋدەگى زاڭنامالىق ەرەجەلەر مەن تالاپتاردى ساقتاۋى جايىن انىقتاۋعا ارنالدى.
مۇنىڭ الدىندا ولاردىڭ تاراپىنان مەملەكەتتىك ورگانداردىڭ بەلسەندى قيمىل ارەكەتتەرىنە ءالى دە بوگەسىن جاسايتىندىعى تەكسەرۋلەردىڭ ازايماعاندىعى, ءتيىستى قۇجاتتار تولتىرۋعا كوپ ۋاقىت كەتەتىندىگى تۋرالى تۇسكەن ارىز-شاعىمدار جان-جاقتى تالداندى. اكتسيا قورىتىندىسى كاسىپكەرلەرگە بايان ەتىلدى. ورىن العان ولقىلىقتاردى جويۋ جونىندە شارالار قاراستىرىلدى.
ايقىن نەسىپباي, قاراعاندى.
...اقش-تان التىن مەدالمەن ورالدى
وتكەن اپتادا اقش-تىڭ وكلاحاما شتاتىندا ۆولەيبولدى وتىرىپ ويناۋشىلار, ياعني, مۇگەدەكتەر اراسىندا الەم چەمپيوناتى اياقتالدى. وسىناۋ ءدۇبىرلى دوداعا قازاقستان كومانداسى دا قاتىسىپ, ءوز ديۆيزيونىندا جەڭىستىڭ ەڭ بيىك تۇعىرىنا كوتەرىلدى. قازاقستاندىق كوماندا قۇرامىندا 8 اتىراۋلىق جانە 2 قىزىلوردالىق ويىنشى سايىسقا تۇسكەن ەدى.
كوماندا كاپيتانى باۋىرجان تاحاۋوۆتىڭ ايتۋىنشا, قازاقستاندىق ۆولەيبولشىلار چەمپيوناتتا العاشقى قاتىسۋشىلار ديۆيزيونىندا سايىسقا ءتۇسىپتى. ءوز توبىندا جەڭىسكە جەتكەن قازاقستاندىقتار اقتىق سىندا انگليا, ۆەنگريا جانە ماروككو كوماندالارىن 3:1 ەسەبىمەن ۇتىپ, الەم چەمپيونى اتاندى. كەشە قازاقستاندىق كوماندا قۇرامىنداعى اتىراۋلىق سپورتشىلار التىن مەدالمەن ورالىپ, ءوڭىر جۇرتشىلىعىنىڭ ىستىق ىقىلاسىنا بولەندى. بۇل كوماندانىڭ ەنشىسىنە بىلتىر جاستار اراسىنداعى الەم چەمپيوناتىنىڭ كۇمىس جۇلدەسى تيگەن بولاتىن.
جولداسبەك شوپەعۇل, اتىراۋ وبلىسى.