قىزىلوردا. 20 مامىر. اتىراۋدا 1998-2000 جىلدارى تۋعان جاسوسپىرىمدەر اراسىندا گرەك-ريم كۇرەسىنەن قازاقستان چەمپيوناتى ءوتتى. بۇل تۋرالى ordainfo.kz سايتى حابارلايدى.
قازاقستاننىڭ بارلىق ايماعىنان 258 سپورتشى قاتىسقان ەل چەمپيوناتى 10 سالماق دارەجەسىندە جۇلدەلەردى ساراپقا سالدى.
اتالمىش سىندا گرەك-ريم كۇرەسىنەن جاسوسپىرىمدەر قۇراماسىنىڭ اعا جاتتىقتىرۋشىسى قانات كوبەگەنوۆ جەتەكشىلىك جاساعان قىزىلوردالىقتار ءۇمىتتى اقتاپ, بيىلعى جىلدىڭ 9-15 ماۋسىم ارالىعىندا ءۇندىستان استاناسى نيۋ-دەليدە وتەتىن ازيا چەمپيوناتىنا جولداما الدى. اتاپ ايتساق, №17 قازالى اۋدانىنىڭ وليمپيادالىق رەزەرۆتىڭ مامانداندىرىلعان بالالار-جاسوسپىرىمدەر مەكتەبىنەن باعدات ۇسەنوۆ 76 كەلىدە قازاقستان چەمپيونى اتانسا, ءجالاڭتوس ءباھادۇر اتىنداعى وبلىستىق سپورتتا دارىندى بالالارعا ارنالعان مەكتەپ-ينتەرنات وقۋشىسى نۇرباقىت ازەلحان 42 كەلىدە كۇمىس جۇلدەنى يەلەندى.
ەرجان بايتىلەس.
دەرەك, سۋرەت: egemen.kz.