جاس ماماندار — اۋىلعا

ەلىمىزدەگى “ديپلوممەن – اۋىل­عا” جوباسى اياسىندا جاس ما­ماندار اۋىلدارعا بەت بۇرا باس­تا­دى. وسىعان سايكەس ولارعا كوتەر­مە جاردەماقى مەن تۇرعىن ءۇي ساتىپ الۋ, نە سالۋ ءۇشىن بەرىلەتىن نەسيەنىڭ مولشەرى, ولاردىڭ ورىن­دالۋ ءتارتىبى اعىمداعى جىل­دان باستاپ, جۇيەلى جۇرگىزىلىپ كەلەدى. سىر ەلىندە وسى ماقساتقا ءوت­كەن جىلى 53,6 ملن. تەڭگە قارجى ءبولىنىپ, ونىڭ 44,3 ملن. تەڭگەسى يگەرىلگەن. ەگەر ناقتىلاي ايتار بولساق, سىر ايماعىندا اۋىلدىق جەرلەرگە جۇمىس ىستەۋگە بارعان 487 مامانعا كوتەرمە جاردەماقى تولەنىپ, ولاردىڭ قىزمەت ەتۋىنە بارىنشا جاعداي جاسالعان. ال, اعىمداعى جىلى قورقىت اتا اتىن­داعى مەملەكەتتىك ۋنيۆەرسي­تەت­تى بىتىرۋشىلەردىڭ 200-ءى اۋىل­دىق جەرلەرگە بارىپ, قىزمەت ەتۋگە تىلەك ءبىلدىرىپ وتىر. بۇگىنگى كۇنگە وسىلاردىڭ 43-ءى بوس جۇمىس ورىندارىنا, ياعني شالعاي ەلدى مەكەندەرگە بەت بۇردى. جاس مامانداردى اۋىلدارعا ات­تاندىرار الدىندا وبلىس اكى­مى­نىڭ ورىنباسارى مۇرات مۇحامە­دوۆ­تىڭ توراعالىعىمەن جاستاردى الەۋمەت­تىك قولداۋعا ارنالعان ءما­جىلىس ءوتىپ, وندا اۋىلدىق ەلدى مە­كەندەردىڭ الەۋ­مەتتىك سالا قىز­مەت­كەرلەرىن قول­داۋ جانە ىنتا­لان­دىرۋ ماسەلە­لەرى بويىنشا زاڭ اكتىلەرىنە ەنگى­زىل­گەن وزگەرىستەر مەن تولىقتىرۋلار جايلى جان-جاقتى اڭگىمە ءوربىدى. ەركىن ءابىل, قىزىلوردا وبلىسى.