كەشە قازاقستان رەسپۋبليكاسىنىڭ باس پروكۋرورى اسحات داۋىلباەۆ اقش-تىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى دجوردج كرولمەن كەزدەستى.
سۇحبات بارىسىندا كەڭ اۋقىمدى ەكىجاقتى قۇقىقتىق ىنتىماقتاستىق ماسەلەلەرى, سونىڭ ىشىندە ۇيىمداسقان ترانسۇلتتىق قىلمىسقا, كيبەرقىلمىسقا, تەرروريزم مەن ەكسترەميزمگە, ەسىرتكى ساتۋ, قىلمىستىق جولمەن كەلگەن قاراجاتتىڭ ءىزىن جاسىرۋ ماسەلەلەرى تالقىلاندى.
سونىمەن قاتار, باس پروكۋرور ەلشىنى قازاقستاندا باس پروكۋراتۋرا جانىنان قۇقىق قورعاۋ ورگاندارىنىڭ اكادەمياسى قۇرىلعاندىعى تۋرالى حاباردار ەتىپ, اقش-تىڭ قۇقىق قورعاۋ ورگاندارى اكادەمياسىمەن ىنتىماقتاستىق ورناتۋ جونىندە ۇسىنىس ءبىلدىردى.
استانا قالاسىندا وتەتىن زورلىق پەن ەكسترەميزمگە قارسى ارەكەت ەتۋ جونىندەگى سامميتكە ازىرلىك ماسەلەلەرى اڭگىمەلەسۋدىڭ جەكە تاقىرىبى بولدى, بۇل ءىس-شارا اقپاندا وتكەن ۆاشينگتون ءسامميتىنىڭ جالعاسى بولىپ تابىلادى.
سۇحباتتاسۋشىلار ترانسۇلتتىق قىلمىستىلىقپەن كۇرەس بويىنشا ەكىجاقتى قاتىناستاردى جانداندىرۋدىڭ قاجەتتىلىگىن اتاپ كورسەتىپ, ءوزارا ءتيىمدى ىنتىماقتاستىقتى ودان ءارى دامىتۋعا دايىن ەكەندىكتەرىن ءبىلدىردى, دەپ حابارلادى باس پروكۋراتۋرانىڭ ءباسپاسوز قىزمەتى.