الەۋمەتتىك جەلىدە جەكە تاسىمالداۋشى – «سارى-ارقا كومپاني» جشس پويىزىندا جولاۋشىنىڭ قايتىس بولعانى تۋرالى اقپارات تارادى. حابارلامادا ەر ادامنىڭ جۇرەك تالماسىنان كوز جۇمعانى ايتىلعان, دەپ جازادى Egemen.kz.
تاسىمالداۋشىنىڭ مالىمەتىنشە, ۆاگون ىشىندە ەر ادامنىڭ كەنەتتەن جاعدايى ناشارلاعان. جولسەرىك بۇل تۋرالى دەرەۋ پويىز باستىعىنا حابارلاپ, كەيىن ماشينيست ارقىلى جەدەل جاردەم بريگاداسى شۇعىل شاقىرىلعان.
تايلاندتا ءبىر ايعا جۋىق جانساقتاۋ بولىمىندە جاتقان الەكسەي ۆيۆتونەنكو قايتىس بولدى
مارقۇمنىڭ جۇبايىنىڭ ايتۋىنشا, ەر ادام جۇرەگىنە جاسالعان وپەراتسيادان كەيىن ەمحانادان قايتىپ كەلە جاتقان.
دارىگەرلەر پويىزعا ساعات 23:49-دا كەلىپ, جولاۋشىنى تەكسەرگەن, قان قىسىمىن ولشەپ, كوكتامىر ارقىلى ەكپە جاساعان. الايدا كوپ ۇزاماي ەر ادام ەسىنەن تانىپ قالعان. تۇنگى ساعات 00:30-دا مەديتسينا قىزمەتكەرلەرى ونىڭ قايتىس بولعانىن تىركەدى.
ماڭعىستاۋدا ءماسليحات دەپۋتاتى پلاستيكالىق وپەراتسيا كەزىندە قايتىس بولدى
مارقۇمنىڭ ءمايىتى سوت-مەديتسينالىق ساراپتاما جۇرگىزۋ ءۇشىن كوكشەتاۋ ستانساسىندا پويىزدان ءتۇسىرىلدى. شۇعىل مەديتسينالىق جانە تەرگەۋ شارالارىنا بايلانىستى پويىزدىڭ قوزعالىسى 43 مينۋتقا كەشىككەن.
ەسكە سالا كەتەيىك, ءساۋىر ايىندا الماتى – اقتوبە باعىتىنداعى №033 جولاۋشىلار پويىزىندا 60 جاستاعى ەر ادام كوز جۇمدى.