وسكەمەندە قازاق كۇرەسىنەن ازيانىڭ ءVى چەمپيوناتى مارەگە جەتتى. وعان قازاقستان, ءوزبەكستان, قىرعىزستان, رەسەي, قىتاي, موڭعوليا, تۇركىمەنستان, تاجىكستان, سيريا, يەمەن, يراك, ەلدەرىنىڭ بالۋاندارى قاتىستى. چەمپيوناتتىڭ اشىلۋىندا وبلىس اكىمى بەردىبەك ساپارباەۆ ءسوز الىپ, بۇل سپورت دوداسىنىڭ بالۋانداردىڭ شەبەرلىگىنىڭ وسۋىنە, مەملەكەتتەر اراسىنداعى قارىم-قاتىناستاردىڭ نىعايۋىنا جول اشاتىنىن, دامىعان ەلدەردىڭ قازاقستاندى جاقىن تانىپ-بىلۋىنە مۇرىندىق بولاتىنىن اتاپ ءوتتى. ال وليمپيادا چەمپيونى جاقسىلىق ۇشكەمپىروۆ بولسا ەرەكشە تولقىپ, ءوزىنىڭ وسىدان 45 جىل بۇرىن قازاق كۇرەسى الىپپەسىنەن ءتالىم الىپ, ۇلكەن ومىرگە جولداما العانىن تىلگە تيەك ەتتى. ول كەزدەگى قازاق كۇرەسى مەن قازىرگى دەڭگەيدى سالىستىرۋعا كەلمەيدى, اراسى جەر مەن كوكتەي دەدى.
ال وسى سالانىڭ دامۋىنا ەرەكشە ۇلەس قوسىپ كەلە جاتقان دۇنيەجۇزىلىك قازاق كۇرەسى فەدەراتسياسىنىڭ پرەزيدەنتى سەرىك توكەەۆ بولسا, ەلباسى ن. نازارباەۆتىڭ: “قازاق كۇرەسىن وليمپيالىق ويىندار دەڭگەيىنە دەيىن كوتەرۋگە كۇش سالۋىمىز كەرەك”, دەگەن باعاسىنا وراي الدا كوپ جۇمىستار اتقارۋ قاجەتتىگىنە توقتالا كەلىپ, ءدۇبىرلى جارىستى وتكىزۋگە باستاما كوتەرگەن شىعىس قازاقستان وبلىسىنىڭ اكىمى ب.ساپارباەۆقا ريزاشىلىعىن ءبىلدىرىپ, قۇرمەت گراموتاسىن تابىس ەتتى. فيلا-نىڭ وكىلى ۆ.گريششانكوۆ تا ءوز سوزىندە قازاق كۇرەسىن بۇكىل الەم جۇرتشىلىعى تانىپ بىلە باستاعانىن, بيىلعى جىلدىڭ ماۋسىمىندا رەسەيدىڭ ماسكەۋ قالاسىندا وتكەن حالىقارالىق كۇرەس فەدەراتسياسىنىڭ ء(FىLA) كەزەكتى جيىنىندا قازاق كۇرەسى فەدەراتسياسىنىڭ ءبىراۋىزدان مۇشەلىككە قابىلدانۋى, جاساپ جاتقان ىستەردىڭ دۇرىس باعىتتا ەكەنىنە نازار اۋداردى.
بۇل جولعى ازيا چەمپيوناتىنا 11 مەملەكەتتەن 98 بالۋان كەلدى. ايتا كەتۋ كەرەك, قازىر قازاق كۇرەسىمەن 50-دەن استام مەملەكەتتەردە بالۋاندار شۇعىلدانادى. ونىڭ 30-ىندا قازاق كۇرەسى فەدەراتسيالارى جۇمىس ىستەپ تۇر. Cەرىك ءتوكەەۆتىڭ ايتۋىنشا, بۇل جولى دا ءدۇبىرلى دوداعا كوپتەگەن مەملەكەتتەردەن وسى جارىسقا قاتىسۋعا تىلەك بىلدىرۋشىلەر از بولماعان كورىنەدى. ءبىراق “مەدالدىڭ ەكىنشى جاعى” بار دەگەندەي, ولاردىڭ بارلىعىن شاقىرىپ, جول شىعىنىن, قوناق ءۇي, باسقا دا ۇيىمداستىرۋ ماسەلەلەرىن شەشۋ ءۇشىن قارجى جاعى تاپشىلىق ەتەتىن سياقتى.
– الداعى قاراشادا استانادا قازاق كۇرەسىنەن دۇنيە ءجۇزىنىڭ چەمپيوناتى وتپەك. مىنە, سوعان ازيا چەمپيوناتىنا تۇڭعىش رەت قاتىسىپ وتىرعان يەمەن, يراك, سيريا سياقتى كوپتەگەن افريكا, ازيا, باسقا دا قۇرلىقتاردان وكىلدەر شاقىرۋ ويدا بار, دەيدى سەرىك ادام ۇلى.
ەندى ەكى كۇنگە سوزىلعان قازاق كۇرەسى جانكۇيەرلەرىنە نە سىيلادى, العا قاراي جىلجۋ بار ما دەگەن ساۋالدارعا كەلەيىك. شىعىس قازاقستان وبلىسى, سەمەي قالاسىنىڭ وكىلى قۋانىش سالىقباەۆتى قازىر سپورت دەسە ەلەڭدەي قالاتىن جانكۇيەرلەر جاقسى بىلەدى. قازاق كۇرەسىنىڭ ءوركەندەۋىنە وسى ازامات ولشەۋسىز ۇلەس قوسىپ كەلەدى. جاقىن ارادا قامال بۇزاتىن قىرىققا تولاتىن قۋانىشتىڭ وسى جولعى قارقىنى مەن ەكپىنىنە ەشكىم شاق كەلمەدى. ول 90 كيلودان جوعارى سالماقتا فينالدا ءوزبەكستاندىق بەلگىلى بالۋان بوتير حودجاەۆپەن بەلدەستى. بىردەن شابۋىلعا شىعىپ ەكى بۇككە يە بولدى. الايدا, بوتير مۇنىڭ الدىندا العان جاراقاتى سالدارىنان جارىستى توقتاتۋعا ءماجبۇر بولدى. ءسويتىپ, قۋانىش وسىمەن ءۇشىنشى مارتە ازيا چەمپيونى اتاندى. قۋانىش سالىقباەۆ ابسوليۋتتىك سالماقتا 90 كيلودا چەمپيون اتانعان مۇسىلمانبەك قاجىمۇقانوۆپەن دە كۇش سىناستى. ءبىر مينوتكە جەتكىزبەي ونى دا ۇتتى. ال ابسوليۋتتىك سالماقتا 18 بالۋان تىركەلگەن.
90 كيلودا م.قاجىمۇقانوۆ فينالدا سيريادان كەلگەن مەتكال المارانيمەن بەلدەسىپ, تازا ۇتىپ كەتتى. ال 82 كيلو سالماقتا اقتوبەلىك ءالەم چەمپيونى باقتىباي قيسىقوۆ قارسىلاستارىن الىپ تا, شالىپ تا جىقتى. ول اقتىق سايىستا يراكتىق مۋرتاچحا كەمالدان باسىم ءتۇستى. تاعى ءبىر الەم چەمپيونى استانالىق ەستەن ەرلان 66 كيلو سالماقتا سيريادان كەلگەن ەيك ابدۋلعانيدان باسىم ءتۇسىپ, التىننان القا تاقتى. جالپى, وسى جولعى چەمپيوناتتا سيريا, يراك, يەمەن ەلدەرى بالۋاندارىنىڭ شەبەرلىگىنىڭ ءوسىپ قالعانىن اڭعاردىق. ءسويتىپ, بۇل جولى بارلىق سالماقتاردا قازاقستاندىقتار الدارىنا جان سالمادى. 54 كيلودا ب.رايسوۆ باقىتجان وكەەۆتى ۇتسا, 77 كيلودا ەربول مىرزابوسىنوۆ يەمەندىك ماتەر زەيەدتى ۇتىپ, چەمپيون اتاندى. ال 60 كيلو سالماقتا قازاقستاندىق عاني كەلدىقۇلوۆ – التىن, قىرعىزستاندىق سانجار وسماناليەۆ – كۇمىس, تۇركىمەنستاندىق زەريپ زاۋراتجان مەن باۋىرجان مىرزاليەۆ (قازاقستان) قولا القانى يەلەندى. جارىستا ءجۇلدەگەر اتانعاندار اقشالاي, زاتتاي سىيلىقتارعا يە بولدى. ولاردى وليمپيادا چەمپيونى ج.ۇشكەمپىروۆ, تۋريزم جانە سپورت مينيسترلىگى سپورت ىستەرى جونىندەگى كوميتەتى توراعاسىنىڭ ورىنباسارى مالىك ساپاشەۆ, كيكبوكستان الەمنىڭ بەس دۇركىن چەمپيونى اسقار موجانوۆ, فەدەراتسيا پرەزيدەنتتەرى س.ءتوكەەۆ, ر. نۇرتاەۆ, تاعى باسقالار تابىس ەتتى.
وڭداسىن ەلۋباي, وسكەمەن.
سۋرەتتەردە: ازيا بىرىنشىلىگىنىڭ اشىلۋ سالتاناتى; سەمەيلىك قۋانىش سالىقباەۆ 90 كيلودان جوعارى, ابسوليۋتتىك سالماقتا دا چەمپيون اتاندى.
سۋرەتتەردى تۇسىرگەن اۆتور