استانا. 30 ماۋسىم. اقش-تىڭ نيۋ-يورك قالاسىندا تۇرعىندارعا ءوز ۇيلەرىندە تەمەكى شەگۋگە تىيىم سالىنۋى مۇمكىن. وسىنداي ۇسىنىستى قالا مەرى بيلل دە بلازيو جاريالادى. بۇل تۋرالى The New York Post باسىلىمىنا سىلتەمە جاساعان russian.rt.com حابارلادى.
اتالعان باسىلىمنىڭ جازۋىنشا, بۇل – قالا باسشىسىنىڭ شاھارداعى تەمەكى شەگۋدى ازايتۋعا باعىتتالعان ستراتەگيالارىنىڭ ءبىرى بولىپ تابىلادى. باعدارلاما بويىنشا بۇل باستاما ءۇشىن قارجى ءبولۋ دە جوسپارلانىپ وتىر. اقش دەنساۋلىق ساقتاۋ مينيسترلىگىنىڭ حابارلاماسىنا قاراعاندا, مۇنداي تىيىمنان جۇرتشىلىقتىڭ ۇتارى كوپ. «حالىق ءوز ۇيلەرىندە تازا ءارى ساف اۋامەن راحاتتانا الادى, ال پاتەر قوجايىندارى جەكە مەنشىكتەرىنە جۇمسالاتىن شىعىندارىن ازايتادى», – دەيدى ماماندار.
ەستەرىڭىزگە سالا كەتەيىك, نيۋ-يورك قالاسىندا قازىردىڭ وزىندە پاركتەر مەن بارلىق كوممەرتسيالىق مەكەمەلەردە تەمەكى شەگۋگە تىيىم سالىنعان.
ەلامان قوڭىر.
دەرەك: russian.rt.com.
سۋرەت: fishki.net.