قوستاناي. 15 مامىر. قوستانايعا يندونەزيا رەسپۋبليكاسىنىڭ توتەنشە جانە وكىلەتتى ەلشىسى فوستەر گۋلتوم مىرزا كەلدى. ول الدىمەن ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىندە بولىپ, ستۋدەنتتەرمەن كەزدەستى. بۇل تۋرالى egemen.kz ءتىلشىسى حابارلادى.
ەلشى مىرزا الدىمەن ۋنيۆەرسيتەت باسشىلىعىمەن كەزدەستى. وندا ەكى جاق يندونەزيا مەن قازاقستان اراسىنداعى اكادەميالىق سالا قىزمەتى الەۋەتىن, ارىپتەستىك ىنتىماقتاستىقتى ارتتىرۋدى تالقىلادى. ودان كەيىن جۋرناليستەرگە ءوزىنىڭ كەلگەن ساپارى جونىندە ايتىپ بەردى.
يندونەزيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى فوستەر گۋلتوم: «قوستاناي وڭىرىنە كەلۋ مەنىڭ كوپتەن بەرى ويلاستىرىپ جۇرگەن ماقساتتى ساپارىم ەدى. وسى كەلگەن ساپارىمدا ۋنيۆەرسيتەت باسشىلارىمەن جانە وبلىس اكىمىمەن, جەرگىلىكتى بيزنەس وكىلدەرىمەن كەزدەسەمىن. ۋنيۆەرسيتەتتە بولدىم. قازاقستانداعى ءتورت ۋنيۆەرسيتەتپەن بايلانىسىمىز بار. ءبىز بۇل اكادەميالىق بايلانىستى جالعاستىرا بەرەمىز. مەن جىلى قابىلداعانى ءۇشىن, ۋنيۆەرسيتەتپەن, ونىڭ ستۋدەنتتەرىمەن كەزدەسكەنىم ءۇشىن راحمەت ايتامىن. سونىمەن قاتار قوستانايلىقتارعا يندونەزيانىڭ مادەنيەتى تۋرالى ايتىپ بەرەتىن بولامىز», دەدى.
ەلشىگە ا.بايتۇرسىنوۆ اتىنداعى قوستانااي مەملەكەتتىك ۋنيۆەرسيتەتىنىڭ عىلىم جانە سىرتقى بايلانىس جونىندەگى پرورەكتورى جەڭىس جارلىعاسوۆ ءبىلىم ورداسى تۋرالى كەڭىنەن ايتىپ بەردى.
ەلشىنى دە, ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىنىڭ باسشىلىعىن دا الدىمەن جوعارى ءبىلىم سالاسىنداعى ىنتىماقتاستىق قىزىقتىرادى. ەلشى فوستەر گۋلتوم قوستاناي ۋنيۆەرسيتەتى يندونەزياداعى ۋنيۆەرسيتەتتەردىڭ ءبىرىن تاڭداپ, الداعى ۋاقىتتا ماماندار دايىنداۋ ىسىندە بايلانىس جاساۋىنا بولاتىندىعىن ايتتى. ول ءۇشىن يندونەزيا رەسپۋبليكاسىنىڭ ءۇش باعىتتاعى باعدارلاماسى تۋرالى دا ايتىپ ءوتتى. يندونەزياداعى ءتورت ۋنيۆەرسيتەت دۇنيە جۇزىندەگى ەڭ وزىق 100 جوعارى وقۋ ورنىنىڭ قاتارىندا ەكەن.
ەلشىمەن بىرگە كەلگەن يندونەزيالىق جاستار ۋنيۆەرسيتەت ستۋدەنتتەرىمەن كەزدەسىپ, ەلىنىڭ مادەنيەتىن, ونەرىن, ءداستۇرىن كورسەتتى.
يندونەزيانىڭ قازاقستانداعى تۇڭعىش توتەنشە جانە وكىلەتتى ەلشىسى فوستەر گۋلتوم مىرزا وبلىس باسشىلىعىمەن, بيزنەس وكىلدەرىمەن كەزدەسۋدە الىس-بەرىس تۋرالى اڭگىمەلەيتىن بولادى.
ءنازيرا جارىمبەتوۆا.
دەرەك, سۋرەت: egemen.kz