استانا. 15 مامىر. مەكسيكادا بالالاردىڭ بەيادەپ سۋرەتتەرىن دايىنداپ, تاراتقان اقش ازاماتى 199 جىلعا سوتتالدى. سونداي-اق, ول سوت ۇكىمىمەن 96 مىڭ دوللار كولەمىندە ايىپپۇل تولەۋگە مىندەتتەلدى. بۇل تۋرالى lenta.ru حابارلادى.
تەرگەۋ مالىمەتتەرىنە قاراعاندا, اقش ازاماتى كامەلەتكە تولماعان قىزدى اناسىنىڭ كەلىسىمىمەن سۋرەتكە ءتۇسىرىپ, ونى ەلەكتروندى پوشتا ارقىلى وزگە ەلدەردەگى تاپسىرىس بەرۋشىلەرگە تاراتىپ نەمەسە عالامتورعا سالىپ وتىرعان.
ايىپتىنىڭ اتى-ءجونى ءالى كۇنگە جاريالانعان جوق. ونىڭ تەك كوليما شتاتىنىڭ باتىسىندا ورنالاسقان مانسانيلو قالاسىندا قولعا تۇسكەنى عانا بەلگىلى. ءبۇلدىرشىن قىزدىڭ اناسى دا تۇرمەگە قامالدى.
مەكسيكا ەلىندە بالالار پورنوگرافياسىمەن كۇرەس جۇرگىزەتىن ارنايى قىزمەت – ايەلدەرگە قارسى قىلمىستار مەن ادام ساۋداسى بويىنشا پروكۋروردىڭ ارنايى باسقارماسى جۇمىس ىستەيدى. اتالعان قىزمەتتىڭ اقپاراتتارىنا قاراعاندا, سوڭعى 5 جىل ىشىندە قىزمەتكەرلەر عالامتوردان بالالاردىڭ بەيادەپ سۋرەتتەرى مەن ۆيدەولارىن جاريالاعان 4 مىڭنان استام سايتتى اشكەرەلەگەن. ونداعى جاريالانعان ونىمدەردىڭ بارلىعى مەكسيكادا تۇسىرىلگەنى انىقتالعان.
ەلامان قوڭىر.
دەرەك: lenta.ru.
سۋرەت: 112.ua.