استانا. 14 مامىر. الماتى وبلىسىندا پوليتسەيلەر مىنگەن كولىك اپاتقا ۇشىراپ, 3 ادام قازا تاپتى. بۇل تۋرالى كتك تەلەارناسى حابارلادى.
تەلەارنا ءتىلشىسىنىڭ حابارلاۋىنشا, پوليتسەيلەردىڭ قىزمەتتىك كولىگى تالعار قالاسىندا باسقا جەڭىل ماشينامەن بەتپە-بەت سوعىلعان.
جول اپاتى جەڭىس مەرەكەسى قارساڭىندا ورىن الىپتى. بىراق بولعان وقيعا تەك 4 كۇننەن كەيىن عانا ءمالىم بولىپ وتىر.
كەيبىر كۋالاردىڭ ايتۋلارىنشا, جولدا ءجۇرۋ ەرەجەسىن پاترۋل كولىگى بۇزعانعا ۇقسايدى. «پپس-تىڭ ماشيناسى دابىل بەلگىسىن قوسپاي, قارسى بەتكە شىقتى دا سوعىپ كەتتى, اعاسى! ءبىز وسى جەردە تۇردىق!», - دەدى ولار. ال الماتى وبلىستىق ىشكى ىستەر دەپارتامەنتىنىڭ ءباسپاسوز حاتشىسى دارىن ارىستانبەكوۆتىڭ ايتۋىنشا, كۋاگەرلەردىڭ مالىمەتتەرى شىندىقا جاناسپايدى. «كۋاگەرلەر بولعان وقيعا تۋرالى انىقتاما بەرىپ جاتقاندا ۋداي ماس بولعان. جانە بولعان وقيعانى ءوز كوزىمەن كورمەگەن. جول اپاتى تۋرالى سول اراداعى كىسىلەردەن ەستىپ بىلگەن. بۇل جايلى جالعان كۋاگەرلەردىڭ وزدەرى بىزدەرگە ايتىپ مويىندادى», - دەدى ارىستانبەكوۆ.
قۇرىش نۇرىمبەت.
دەرەك, سۋرەت: كتك.