يسپانيادا پرەمەر-مينيستر پەدرو سانچەستىڭ باۋىرى داۆيد سانچەسكە قاتىستى رەزونانستى سوت پروتسەسى باستالدى. ول قىزمەتكە زاڭسىز ورنالاسۋ جانە جوعارى لاۋازىمدى بايلانىستارىن پايدالاندى دەپ ايىپتالىپ وتىر, دەپ حابارلايدى Egemen.kz.
DW باسىلىمىنىڭ حابارلاۋىنشا,ء ىس بويىنشا جالپى سانى 10 ادام ايىپتالۋشى رەتىندە تانىلعان. ولاردىڭ قاتارىندا 52 جاستاعى داۆيد سانچەسپەن بىرگە بيلىكتەگى يسپانيا سوتسياليستىك جۇمىسشى پارتياسىنىڭ وڭىرلىك وكىلدەرى مەن جەرگىلىكتى اكىمدىك قىزمەتكەرلەرى بار. تەرگەۋ مالىمەتىنە سايكەس, ولار پرەمەر-ءمينيستردىڭ باۋىرىن 2016 جىلى قىزمەتكە ورنالاستىرۋعا كومەكتەسىپ, كەيىن ونىڭ جۇمىسقا تۇراقتى كەلمەۋىنە كوز جۇما قاراعان.
ايىپتالۋشىلاردىڭ بارلىعىنا 3 جىلدان 5 جىلعا دەيىن باس بوستاندىعىنان ايىرۋ ءجازاسى تونىپ تۇر.
تەرگەۋ دەرەگىنشە, جۇمىسسىز جۇرگەن داۆيد سانچەس باداحوس قالاسىنداعى ەكى كونسەرۆاتورياعا كۋراتور بولىپ تاعايىندالىپ, 8 جىلعا جۋىق ۋاقىت جۇمىس ىستەگەن.
الايدا وسى كەزەڭ ىشىندە داۆيد سانچەس تۇراقتى تۇردە جالاقى الىپ وتىرعانىمەن, كوبىنە يسپانيا اۋماعىنان تىس جەردە جۇرگەن. ونىڭ ادۆوكاتتارى ايىپتالۋشىنىڭ شىعارماشىلىق ادام ەكەنىن ايتىپ, ءجيى ورىن اۋىستىرۋ وعان قاجەت بولعانىن العا تارتتى.
يسپانيا پرەمەر-ءمينيسترى پالەستينا تۋىمەن شىققان «بارسەلونا» ويىنشىسىن قولدادى
سونىمەن قاتار پرەمەر-ءمينيستردىڭ جۇبايى بەگونيا گومەسكە قاتىستى دا قارجىلىق زاڭبۇزۋشىلىق بويىنشا ايىپ تاعىلعان. ول مادريد ۋنيۆەرسيتەتىندەگى كافەدرا جەتەكشىسى قىزمەتىن اتقارعان كەزدە زاڭ تالاپتارىن بۇزدى دەگەن كۇدىككە ىلىنگەن. تەرگەۋ مالىمەتىنە سايكەس, ونىڭ عىلىمي دارەجەسى دە, جوعارى ءبىلىمى دە بولماعان. بۇل ءىس بويىنشا سوت تىڭداۋى 9 ماۋسىمدا وتەدى.