اقمولا وبلىسىندا كوكپار ويىنى كەزىندە ءجاسوسپىرىم قازا تاپتى. بۇل اقپاراتتى راحىمجان قوشقارباەۆ اۋىلدىق وكرۋگىنىڭ اكىمدىگى رەسمي تۇردە راستادى, دەپ حابارلايدى Egemen.kz.
اۋىلدىق وكرۋگ اكىمدىگىنىڭ مالىمەتىنشە, 26 مامىر كۇنى وتكەن بۇل سايىستى جەرگىلىكتى تۇرعىندار وزدەرى ۇيىمداستىرعان. ولار بۇل شارا تۋرالى جەرگىلىكتى بيلىك ورگاندارىنا ەسكەرتپەگەن.
«الدىن الا اقپارات بويىنشا, ويىنعا ەرەسەك ادامدار قاتىسقان. كامەلەتكە تولماعان ءجاسوسپىرىم جارىس الاڭىنا تۋىستارىمەن بىرگە كەلىپتى. كەيىن ونى ويىنعا قاتىسپاي قالعان قاتىسۋشىلاردىڭ ءبىرىنىڭ ورنىنا قوسقان. ءىس-شارا «نارىكباەۆ اتىنداعى قازگزۋ ۋنيۆەرسيتەتى» اق مەنشىگىندەگى جەر ۋچاسكەسىندە ءوتتى. بۇل جەردىڭ نىسانالى ماقساتى – دەمالىس ايماعىن ورنالاستىرۋ. بۇل جەردى جەكە تۇلعا جالعا الىپ وتىر», دەپ حابارلادى اكىمدىك وكىلدەرى.
قاراعاندىدا قايعىلى وقيعا: ءجاسوسپىرىم 8 جاستاعى قىزدى موتوتسيكلمەن قاعىپ ءولتىردى
قازىر ۋاكىلەتتى ورگاندار جەرگىلىكتى بيلىكتىڭ قولداۋىمەن ءتيىستى تەكسەرىس جۇمىستارىن باستادى.
الماتى وبلىسىندا ءجاسوسپىرىم 12 جاستاعى بالانى قاعىپ كەتتى