الماتىلىق «قايراتتىڭ» شابۋىلشىسى داستان ساتپاەۆتىڭ جەيدەسى بۋداپەشت قالاسىندا چەمپيوندار ليگاسىنىڭ فينالى قارساڭىندا ۇيىمداستىرىلعان ارنايى كورمەگە قويىلدى, دەپ حابارلايدى Egemen.kz.
اتاقتى فۋتبولشىلاردىڭ جەيدەلەرى ۇسىنىلعان ينستاللياتسيا ۆەنگريا استاناسىنىڭ ورتالىعىنداعى ايگىلى باتىرلار الاڭىندا ورنالاسقان.
بۇل تۋرالى قازاقستان ۇلتتىق قۇراماسىنىڭ ءباسپاسوز حاتشىسى ءالىمجان اسقار الەۋمەتتىك جەلىدە ءبولىستى. ونىڭ ايتۋىنشا, كورمەدە داۆيد لۋيس, يۆان پەريشيچ, كەۆين دە بريۋينە سەكىلدى تانىمال فۋتبولشىلاردىڭ جەيدەلەرىمەن قاتار داستان ساتپاەۆتىڭ دا قولتاڭباسى قويىلعان جەيدەسى قويىلعان.
ۇلتتىق قۇراما شابۋىلشىسى داستان ساتپاەۆ مەكتەپپەن قوشتاستى
ايتا كەتەيىك, 17 جاستاعى ۇلتتىق قۇراما شابۋىلشىسى 2025-2026 جىلعى ەۋروكۋبوك ماۋسىمىندا تاريحي جەتىستىككە قول جەتكىزدى. ول 2025 جىلدىڭ قاراشاسىندا دانيالىق «كوپەنگاگەن» قاقپاسىنا گول سوعىپ, چەمپيوندار ليگاسىنىڭ نەگىزگى كەزەڭىندە توپ جارعان العاشقى قازاق فۋتبولشىسى اتاندى.
سونىمەن قاتار ساتپاەۆ تۋرنير تاريحىنداعى ەڭ جاس گول اۆتورلارىنىڭ قاتارىنا ەندى. جاس كورسەتكىشى بويىنشا ول تەك «بارسەلونا» ويىنشىلارى انسۋ فاتي مەن لامين يامالعا جول بەرەدى.
ەسكە سالا كەتەيىك, بيىلعى چەمپيوندار ليگاسىنىڭ فينالىندا فرانتسيالىق پسج مەن لوندوندىق «ارسەنال» كوماندالارى كەزدەسەدى. شەشۋشى ماتچ 30 مامىر كۇنى ءدال وسى بۋداپەشتتەگى «پۋشكاش ارەنا» ستاديونىندا وتەدى.