29 مامىر كۇنى قازاقستاننىڭ بارلىق وڭىرىندە قۇبىلمالى اۋا رايى ساقتالادى. سينوپتيكتەردىڭ مالىمەتىنشە, ەلدىڭ سولتۇستىگى مەن شىعىسىندا جاڭبىر جاۋىپ, نايزاعاي مەن بۇرشاق كۇتىلەدى, دەپ حابارلايدى Egemen.kz.
استانادا جاۋىن-شاشىنسىز, قۇبىلمالى بۇلتتى اۋا رايى بولادى. كۇندىز اۋا تەمپەراتۋراسى +26…+28°C-قا دەيىن كوتەرىلەدى.
الماتىدا جاڭبىر جاۋىپ, نايزاعاي وينايدى, كۇندىز +27…+29°C جىلى بولادى.
شىمكەنتتە اپتاپ ىستىق ساقتالىپ, تەمپەراتۋرا +30…+32°C-قا جەتەدى.
اقتاۋ, اتىراۋ, اقتوبە, پاۆلودار, پەتروپاۆل جانە وسكەمەن قالالارىندا جاڭبىر مەن نايزاعاي بولجانعان. كەي وڭىرلەردە جەلدىڭ ەكپىنى سەكۋندىنا 20-23 مەترگە دەيىن كۇشەيۋى مۇمكىن.
قازاقستاننىڭ بىرنەشە وڭىرىندە اۋا رايىنا بايلانىستى ەسكەرتۋ جاريالاندى
قاراعاندى, قوستاناي, كوكشەتاۋ, سەمەي, تالدىقورعان قالالارىندا دا قۇبىلمالى اۋا رايى ساقتالىپ, كەي جەرلەردە وتكىنشى جاڭبىر جاۋادى. ماڭعىستاۋ, جامبىل جانە ۇلىتاۋ وبلىستارىندا كۇن ىستىق ءارى قۇرعاق بولادى.
قىزىلوردا مەن تۇركىستاندا كۇن ىسيدى. كۇندىز اۋا تەمپەراتۋراسى +32…+34°C-قا دەيىن جەتەدى. ال ورالدا سالىستىرمالى تۇردە سالقىنداۋ بولىپ, كۇندىز +18…+20°C شاماسىندا ساقتالادى.
ماماندار تۇرعىندارعا اۋا رايىنىڭ كۇرت وزگەرۋىنە بايلانىستى ساق بولۋعا كەڭەس بەردى.