استانا. 14 مامىر. ۇجىمدىق قاۋىپسىزدىك شارتى ۇيىمىنىڭ جەدەل ءىس-قيمىل ۇجىمدىق كۇشتەرىنىڭ قۇرامىنداعى (ۇقشۇ جىۇك) قازاقستان رەسپۋبليكاسى قارۋلى كۇشتەرى اسكەري بولىمشەلەرىنە قاراستى باسقارۋ ورگاندارى مەن بولىمدەرى اۋە تاسىمالى ارقىلى تاجىكستان رەسپۋبليكاسىنا كۇشتەر مەن قاجەتتى قۇرالداردى جونەلتە باستادى. بۇل تۋرالى egemen.kz ءتىلشىسى حابارلادى.
قازاقستاندىقتار دەربەس توپ. ولار وزدەرىمەن بىرگە تەحنيكانى, قارۋلاردى, وق-دارىلەردى, شاتىرلاردى, دالا اسحاناسىن, ازىق-ت ۇلىكتى جانە جمم الىپ جۇرۋگە دايىن.
اتالعان (ۇقشۇ جىۇك) قۇرامعا كىرەتىن قر قارۋلى كۇشتەرىنىڭ كۇشتەرى مەن زاتتاردىڭ بولىگىن قاۋىرت تەكسەرۋ شەڭبەرىندە اسكەري ارتيللەريادان اتۋ, سونداي-اق رحب بارلاۋدى جانە قارۋ-جاراق پەن اسكەري تەحنيكانى گازسىزداندىرۋدى جۇرگىزۋدە جاۋىنگەرلىك وقۋ-جاتتىعۋ تاپسىرمالارىن ورىنداۋ ءۇشىن «ماتىبۇلاق» (گۆاردەيسك اسكەري قالاشىعى) وقۋ-جاتتىعۋ ورتالىعىنا جينالدى.
شەكارادا باقىلاۋدان وتكىزۋدى, باسقا مەملەكەتتەرگە ۇشۋدى, سونداي-اق اسكەري قارۋ-جاراق پەن تەحنيكانى تاسىمالداۋدى قامتاماسىز ەتۋ ءۇشىن تەكسەرۋگە ۇقك, ءسىم, يدم بولىمشەلەرى جانە وزگە دە مەملەكەتتىك ورگانداردىڭ وكىلدەرى تارتىلدى.
ەستەرىڭىزگە سالا كەتەيىك, ۇقشۇ اياسىندا حالىقارالىق مىندەتتەمەلەرگە سايكەس قر قارۋلى كۇشتەرىنىڭ اتىنان باراتىن جىۇك قۇرامىنا دەسانتتى-شابۋىلداۋ, ارنايى ماقساتتاعى جانە اۆياتسيا, ارتيللەريا جانە قامتاماسىز ەتۋ بولىمشەلەرى كىرەدى.
داستان كەنجالين.
دەرەك, سۋرەت: قازاقستان رەسپۋبليكاسى قورعانىس مينيسترلىگى.