وبلىستىق قازاقستان حالقى اسسامبلەياسى عيماراتىندا «سۆياتلو» پولياك ەتنومادەني بىرلەستىگى وزدەرىنىڭ قۇرىلعانىنا 15 جىل تولۋىن اتاپ ءوتتى. مەرەكەلىك سالتاناتتىڭ شىمىلدىعى ەتنومادەني بىرلەستىكتىڭ ءجۇرىپ وتكەن جولى, اتقارعان قىزمەتتەرى تۋرالى بەينەفيلم كورسەتۋدەن باستالدى.
بىرلەستىكتىڭ 15 جىلدىق مەرەيتويىنا ارنالعان شارانى اقتوبە وبلىسى بويىنشا قازاقستان حالقى اسسامبلەياسى حاتشىلىعىنىڭ مەڭگەرۋشىسى جولداس نۋرشين قىسقاشا قۇتتىقتاۋ سوزىمەن اشىپ, وڭىردە توقساننان استام ۇلتتىڭ وكىلدەرى ءبىر اتانىڭ بالاسىنداي تاتۋ-ءتاتتى ءومىر ءسۇرىپ, تۇراقتىلىق پەن بىرلىكتە تۇرمىس كەشىپ جاتقانىن ماقتانىش سەزىممەن جەتكىزدى. ودان كەيىن شاراعا قاتىسۋشىلارعا وبلىستىق مادەنيەت, مۇراعاتتار جانە قۇجاتتاما باسقارماسىنىڭ باسشىسى ءنازيرا تابىلدينوۆا قۇتتىقتاۋ ءسوز ارنادى, بىرلەستىك باسشىلارىنا العىسحات تابىس ەتتى.
الماتىدان ارنايى كەلگەن پولشا رەسپۋبليكاسىنىڭ ەلشىسى انجەي پاپيشا جانە پولشا رەسپۋبليكاسى ەلشىلىگىنىڭ ءبىرىنشى كەڭەسشىسى رادوسلاۆ گرۋك وزدەرىنىڭ جۇرەكجاردى جىلى سوزدەرىن جەتكىزىپ, جيىنعا قاتىسۋشىلاردى بۇگىنگى تاڭداعى پولشا رەسپۋبليكاسىنىڭ ىشكى-سىرتقى جاعدايلارىنان حاباردار ەتتى. سوڭىنان قاشاندا قۋانىشتارعا ورتاقتاسۋعا دايىن ەتنومادەني بىرلەستىكتەر بىرلەسىپ كونتسەرت بەردى.
انجەي پاپيشا مەن رادوسلاۆ گرۋكتى وبلىس اكىمى ارحيمەد مۇحامبەتوۆ قابىلدادى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.