تانىمدى تەرەڭدەتۋ – ۋاقىت تالابى

پرەزيدەنت التىن وردا مۇراسىن جان-جاقتى زەرتتەۋ ۇلتتىق بىرەگەيلىكتى نىعايتۋدىڭ, تاريحي سانانى جاڭعىرتۋدىڭ ماڭىزدى تەتىگى ەكەنىن ايرىقشا اتاپ ءوتتى. بۇل – وتكەنگە قۇرمەت قانا ەمەس, بولاشاققا باعىتتالعان ستراتەگيالىق كوزقاراس.

مەملەكەت باسشىسى ءوز بايانداماسىندا التىن وردا ءداۋىرى تەك اسكەري نەمەسە ساياسي تاريحپەن شەكتەلمەيتىنىن, بۇل كەزەڭنىڭ عىلىم مەن ءبىلىمنىڭ, ساۋ­دا مەن ديپلوماتيانىڭ, مادەنيەت پەن وركەنيەتارالىق بايلانىستاردىڭ ور­كەن­دەۋىنە زور ىقپال ەتكەنىن ەرەكشە ايتتى. ۇلىق ۇلىس ەۋرازيا كەڭىستىگىندەگى مەملەكەت باسقارۋ ءداستۇرىنىڭ, قۇقىقتىق مادەنيەتتىڭ جانە ەتنوسارالىق كەلىسىم ۇلگىسىنىڭ قالىپتاسۋىنا ايرىقشا اسەر ەتتى. بۇل – بۇگىنگى تاۋەلسىز قازاقستاننىڭ تاريحي نەگىزدەرىن تەرەڭ تۇسىنۋگە مۇمكىندىك بەرەتىن ماڭىزدى قۇندىلىق.

پرەزيدەنت قاسىم-جومارت توقاەۆ ۇلتتىڭ جاڭا ساپاسىن قالىپتاستىرۋدا تاريحي جادىنىڭ ورنى بولەك ەكەنىن ۇنەمى ايتىپ كەلەدى. «تاريحىن تەرەڭ تانىعان ەلدىڭ رۋحى مىقتى بولادى» دەگەن مازمۇنداعى پايىمى – بۇگىنگى قوعام ءۇشىن اسا وزەكتى. ويتكەنى جاھاندانۋ داۋىرىندە ۇلتتىق كودتى ساقتاۋ, جاس ۇرپاقتىڭ بو­يىنا ەلدىك سانا مەن وتانشىلدىق قاسيەت­تى ءسىڭىرۋ – مەملەكەت تۇراقتىلىعىنىڭ ­باستى العىشارتتارىنىڭ ءبىرى.

قازىر ەلىمىزدە مەملەكەت باسشىسى­نىڭ باستاماسىمەن التىن وردا مۇرا­سىن زەرتتەۋ باعىتىندا جۇيەلى جۇمىس­تار جۇزەگە اسىرىلىپ جاتىر. ۇلىق ۇلىس­تى زەرت­تەيتىن عىلىمي ينستيتۋتتىڭ قۇرىلۋى, ارحەولوگيالىق جانە تاريحي زەرتتەۋلەر­دىڭ كەڭەيۋى, حالىقارا­لىق عىلىمي ىنتى­ماق-تاستىقتىڭ نى­عايۋى – سونىڭ ايقىن دالەلى. بۇل باستامالار قازاقستاننىڭ الەمدىك عىلىمي كەڭىستىكتەگى بەدەلىن ارتتىرىپ, ەلىمىزدى جوشى ۇلىسىنىڭ تاريحىن زەرتتەيتىن جەتەكشى ورتالىقتاردىڭ بىرىنە اينالدىرۋدا.

كەيىنگى جىلدارى ەل كولەمىندە تاري­­حي-مادەني ەسكەرتكىشتەردى جاڭعىرتۋ, ار­حيۆ قورلارىن تولىقتىرۋ, وتاندىق عى­لىم­نىڭ الەۋەتىن ارتتىرۋ باعىتىندا ناق­تى جۇمىستار اتقارىلىپ كەلەدى. مۇنىڭ ءبارى ۇلت تاريحىنا دەگەن مەملەكەتتىك كوزقاراستىڭ تۇبەگەيلى وزگەرگەنىن كور­سەتەدى. تاريحتى جاڭاشا زەردەلەۋ – وت­كەندى دارىپتەۋ عانا ەمەس, ەل بولاشاعىن ايقىندايتىن ينتەللەكتۋالدىق نەگىز قالىپتاستىرۋ دەگەن ءسوز.

پرەزيدەنت كوتەرگەن ماڭىزدى باس­تاما­لارعا ءبىرىنشى كەزەكتە عىلىمي قاۋىم­داس­تىق بەلسەندى اتسالىسۋدا. ويتكەنى ۇلت تاري­حىن تەرەڭ ءارى جان-جاقتى زەرتتەۋ – بولا­شاق ۇرپاقتىڭ تاريحي ساناسىن قا­لىپ­تاستىرۋدىڭ باستى نەگىزى. عىلىمي پا­يىم مەن تاريحي ادىلەت ۇشتاسقاندا عانا ۇلتتىق رۋحانياتتىڭ كوكجيەگى كەڭەيە تۇسەدى.

وسى ورايدا قازاق ۇلتتىق قىزدار پە­داگو­گيكالىق ۋنيۆەرسيتەتىنىڭ تاريحشى عالىمدارى ۇلت تاريحىن جاڭاشا پايىمداۋ, تىڭ عىلىمي زەرتتەۋلەر جۇرگىزۋ, تاريحي مۇرانى ءبىلىم بەرۋ ۇدەرىسىمەن ساباقتاستىرۋ باعىتىندا ءوز ۇلەسىن قوسا بەرەدى. ءبىلىم مەن عىلىم ساباقتاستىعى ارقىلى تاريحي تانىمدى تەرەڭدەتۋ – ۋاقىت تالابى.

بۇگىنگى بۋىن ءوز تاريحىن تەرەڭ تانى­عاندا عانا ەلدىك ساناسى بەكەم, رۋحى بيىك ۇرپاق قالىپتاسادى. ۇلى دالا مۇراسىن عىلىمي تۇرعىدان زەردەلەۋ – ۇلتتىق جادىمىزدى جاڭعىرتىپ قانا قويماي, جاس ۇرپاق­تىڭ بويىندا وتانسۇيگىشتىك پەن تاريحي جاۋاپكەرشىلىك سەزىمىن نىعايتۋعا ىقپال ەتەدى.

بەيبىتكۇل كارىموۆا,

قازاق ۇلتتىق قىزدار پەداگوگيكالىق ۋنيۆەرسيتەتىنىڭ

باسقارما توراعاسى – رەكتورى