استانا. 28 ماۋسىم. Gangnam Style حيتىمەن بۇكىل الەمگە تانىمال بولعان وڭتۇستىك كورەيا ءانشىسى PSY قازاقستاندا العاشقى كونتسەرتىن بەردى. بۇل تۋرالى tengrinews.kz حابارلادى.
الماتىعا كەشە, 27 ماۋسىمدا كەلگەن ءانشى سول كۇنى كەشتە بالۋان شولاق اتىنداعى سپورت سارايىندا ساحناعا شىقتى. كونتسەرتتە سونىمەن قاتار, رەسەيدەن كەلگەن قوناق – ديما بيلان, قازاقستاندىق ءانشى بۇركىت پەن باسقا دا جۇلدىزدار ونەر كورسەتتى. كەشكە وليمپيادا چەمپيونى يليا يلين دە قاتىستى. Instagram الەۋمەتتىك جەلىسىندەگى جەكە پاراقشاسىندا اۋىر اتلەت PSY-عا قازاقشا شاپان كيگىزىپ جاتقان بەينەجازباسىن دا جاريالاعان. ءدال وسى جەردە يليا ءيليننىڭ وڭتۇستىككورەيالىق انشىمەن تۇسكەن سەلفيى دە بار.
ەستەرىڭىزگە سالا كەتەيىك, PSY – وۇتۇستىك كورەياداعى ەڭ بەلگىلى ءانشى بولىپ سانالادى. ساحنا جۇلدىزىنىڭ Gangnam Style اتتى بەينەبايانى YouTube-تەگى ەڭ كوپ قارالعان جازباعا اينالدى. بۇگىنگى كۇنگە دەيىن بۇل بەينەباياندى ەكى ميللياردتان استام حالىق تاماشالاعان.
ەلامان قوڭىر.
دەرەك, سۋرەت: tengrinews.kz.