ۇكىمەتتە پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆانىڭ توراعالىعىمەن كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ جونىندەگى ۆەدومستۆوارالىق كوميسسيانىڭ وتىرىسى ءوتتى, دەپ حابارلايدى Egemen.kz.
كوميسسيا – كامەلەتكە تولماعاندار اراسىنداعى قۇقىق بۇزۋشىلىقتىڭ, قاراۋسىزدىق پەن پاناسىزدىقتىڭ الدىن الۋ سالاسىندا مەملەكەتتىك ورگاندار مەن ۇيىمداردىڭ قىزمەتىن ۇيلەستىرۋدى قامتاماسىز ەتەتىن تۇراقتى جۇمىس ىستەيتىن القالى ورگان.
وتىرىستا بەيىندى مەملەكەتتىك ورگانداردىڭ وكىلدەرى قازىرگى احۋال بويىنشا بايانداما جاسادى. وسى جىلدىڭ ءبىرىنشى توقسانىنىڭ قورىتىندىسىنا سايكەس, ەلىمىزدە كامەلەتكە تولماعاندار اراسىنداعى قۇقىق بۇزۋشىلىق دەڭگەيى 8 پايىزعا تومەندەگەن.
جانتۇرشىگەرلىك وقيعا: جىتىقارادا ءجاسوسپىرىم اناسىن قۇتقارامىن دەپ قازا تاپتى
سونىمەن قاتار جيىن بارىسىندا ۆەدومستۆوارالىق كوميسسيانىڭ الداعى جۇمىس جوسپارى بەكىتىلدى. قۇجاتتا كامەلەتكە تولماعاندار اراسىنداعى قۇقىق بۇزۋشىلىقتىڭ الدىن الۋ ناتيجەلەرى ءۇشىن وڭىرلەردىڭ جاۋاپكەرشىلىگىن كۇشەيتۋ, تاۋەكەل توبىنداعى بالالارمەن اتاۋلى جۇمىستى جەتىلدىرۋ, ۆەدومستۆوارالىق ءىس-قيمىل مەن تالىمگەرلىك ينستيتۋتىن دامىتۋ, سونداي-اق جەرگىلىكتى ەرەكشەلىكتەردى ەسكەرە وتىرىپ, «قازاقستان بالالارى» تۇجىرىمداماسىنىڭ وڭىرلىك جوسپارلارىن ىسكە اسىرۋ ساپاسىن ارتتىرۋ شارالارى قاراستىرىلعان.
ەلىمىزدىڭ بارلىق وڭىرىندە كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ جونىندەگى كوميسسيالاردىڭ قۇرامى جاڭارتىلعانى اتاپ ءوتىلدى. ولاردىڭ قاتارىنا ازاماتتىق قوعام مەن ساراپشىلار قاۋىمداستىعىنىڭ وكىلدەرى ەنگىزىلگەن. ولار كامەلەتكە تولماعاندار اراسىنداعى دەۆيانتتى مىنەز-ق ۇلىقتىڭ الدىن الۋ شارالارىنا قاتىسىپ, ءبىلىم بەرۋ ۇيىمدارىمەن جانە قۇقىق قورعاۋ ورگاندارىمەن بىرلەسە جۇمىس جۇرگىزىپ كەلەدى.
كۇن تارتىبىندەگى ەكىنشى ماسەلە رەتىندە كامەلەتكە تولماعاندار اراسىنداعى سۋيتسيد پروبلەماسى قارالدى. قازىرگى ۋاقىتتا وقۋ-اعارتۋ مينيسترلىگى دەنساۋلىق ساقتاۋ مينيسترلىگىمەن بىرلەسىپ, بالالاردى زورلىق-زومبىلىقتان قورعاۋ, ءسۋيتسيدتىڭ الدىن الۋ جانە ولاردىڭ قۇقىقتارى مەن ءال-اۋقاتىن قامتاماسىز ەتۋ جونىندەگى كەشەندى جوسپاردى ىسكە اسىرۋ بويىنشا جۇيەلى جۇمىس جۇرگىزۋدە.
2024 جىلعى شىلدەدە سۋيتسيدتىك مىنەز-ق ۇلىق بەلگىلەرى بار كامەلەتكە تولماعانداردى انىقتاۋ جانە ولاردى ودان ءارى سۇيەمەلدەۋ بويىنشا بىرىڭعاي الگوريتم ەنگىزىلدى. بۇل قۇجات مۇددەلى قىزمەتتەردىڭ ءوزارا ءىس-قيمىل ءتارتىبىن ايقىنداپ, بالالارعا ۋاقتىلى كومەك كورسەتۋگە باعىتتالعان.
اتىراۋدا كوپىردەن سەكىرگەن ءجاسوسپىرىم قۇتقارىلدى
وتىرىستا بالالار مەن جاسوسپىرىمدەر اراسىنداعى سۋيتسيدتىك مىنەز-ق ۇلىقتىڭ الدىن الۋ, سونداي-اق وسى سالاداعى ۆەدومستۆوارالىق ءىس-قيمىلدى جەتىلدىرۋ ماسەلەلەرى جەكە قارالدى. ءار ءوڭىر بويىنشا جاعدايعا تالداۋ جاسالىپ, سەبەپتەر, تاۋەكەل فاكتورلارى جانە قولدانىستاعى شارالاردىڭ تيىمدىلىگى سارالاندى.
دەنساۋلىق ساقتاۋ ۆيتسە-ءمينيسترىنىڭ مالىمەتىنشە, بىرىڭعاي الگوريتم اياسىندا انىقتاۋ دەڭگەيىنىڭ تومەن بولۋى ونىڭ جەرگىلىكتى جەرلەردە تولىق كولەمدە ىسكە اسىرىلماي وتىرعانىن كورسەتەدى. وسى جىلدىڭ ءبىرىنشى توقسانىنىڭ قورىتىندىسى بويىنشا جۇرگىزىلگەن تالداۋ ناتيجەسىندە 62% جاعدايدا سەبەپتەر انىقتالماعانى, ال 7,6% جاعدايدا ىشكى وتباسىلىق جانجالدار سەبەپ بولعانى بەلگىلى بولدى.
وسىعان بايلانىستى قاتىسۋشىلار نىسانالى پروفيلاكتيكانى كۇشەيتۋدىڭ, ءاربىر جاعدايدى تالداۋ ساپاسىن ارتتىرۋدىڭ جانە قيىن ومىرلىك جاعدايعا تاپ بولعان كامەلەتكە تولماعانداردى سۇيەمەلدەۋ تەتىكتەرىن ودان ءارى جەتىلدىرۋدىڭ ماڭىزىن اتاپ ءوتتى.
وقۋ-اعارتۋ ءمينيسترى ۆەدومستۆونىڭ بارلىق بىلىكتىلىكتى ارتتىرۋ باعدارلامالارىنا دەپرەسسيا, زورلىق-زومبىلىق جانە بۋللينگ بەلگىلەرىن تانۋ, سونداي-اق اقپارات بەرۋ ءتارتىبى مەن ۆەدومستۆوارالىق ءوزارا ءىس-قيمىل الگوريتمدەرى بويىنشا ارنايى مودۋلدەر ەنگىزىلەتىنىن ايتتى.
«بالالار – ءبىزدىڭ باستى قۇندىلىعىمىز, ەڭ الدىمەن, مەملەكەتتىڭ ادامي كاپيتالى. كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ جونىندەگى ۆەدومستۆوارالىق كوميسسيا جاي عانا كونسۋلتاتيۆتىك-كەڭەسشى ورگان ەمەس. بۇل – بالالاردىڭ زورلىق-زومبىلىق پەن بۋللينگكە ۇشىراماۋى, قاۋىپسىز ورتادا ءومىر ءسۇرىپ, قارىم-قاتىناس جاساۋى, زاڭسىزدىقتىڭ قۇربانى بولماۋى جانە وزدەرى دە زاڭ بۇزباۋى ءۇشىن بارلىق كۇش-جىگەرىمىزدى ۇيلەستىرىپ, ءبىر ارناعا توعىستىراتىن الاڭ. وسى باعىتتاعى پروفيلاكتيكالىق جانە پرەۆەنتيۆتى جۇمىس – كوميسسيامىزدىڭ باستى ميسسياسى ءارى دەنى ساۋ, سانالى جانە مىقتى جاس ۇرپاق تاربيەلەۋدىڭ ماڭىزدى فاكتورى», دەدى ايدا بالاەۆا.
جيىن سوڭىندا پرەمەر-ءمينيستردىڭ ورىنباسارى ۆەدومستۆوارالىق ءوزارا ءىس-قيمىلدى جەتىلدىرۋگە, بالالارداعى داعدارىستىق جاعدايلاردى ەرتە انىقتاۋ تيىمدىلىگىن ارتتىرۋعا, ءبىلىم بەرۋ ۇيىمدارىنداعى پسيحولوگيالىق قىزمەتتەردىڭ ءرولىن كۇشەيتۋگە, اتا-انالارمەن جانە پەداگوگتەرمەن پروفيلاكتيكالىق جۇمىستى دامىتۋعا, سونداي-اق تاۋەكەل توبىنداعى وقۋشىلاردى مونيتورينگتەۋ جانە سۇيەمەلدەۋ سالاسىندا جۇيەلى تسيفرلىق شەشىمدەردى ەنگىزۋگە باعىتتالعان بىرقاتار ناقتى تاپسىرما بەردى.
اقمولا وبلىسىندا جاسوسپىرىمدەر سپورت نىساندارىن ءبۇلدىرىپ, جابدىقتاردى ۇرلاعان
مەكتەپتەردى بىلىكتى پەداگوگ-پسيحولوگ ماماندارمەن قامتاماسىز ەتۋگە جانە رەسپۋبليكالىق ءارى وڭىرلىك دەڭگەيدە پروفيلاكتيكانىڭ تۇراقتى ءارى كەشەندى مودەلىن قالىپتاستىرۋعا ەرەكشە نازار اۋدارىلدى.