پرەزيدەنت قاسىم-جومارت توقاەۆ Alem.ai حالىقارالىق جاساندى ينتەللەكت ورتالىعىندا بىرقاتار ءبىلىم بەرۋ باستاماسىن ىسكە قوسۋ راسىمىنە قاتىستى, دەپ حابارلايدى Egemen.kz.
پرەزيدەنتتىڭ تاپسىرماسىمەن 2024 جىلى Astana Hub جانىنان Tomorrow School جاساندى ينتەللەكت مەكتەبى قۇرىلعان بولاتىن. ەندى ونىڭ تابىستى تاجىريبەسى ەل كولەمىندە تاراتىلماق.
مەملەكەت باسشىسى تەلەكوپىر ارقىلى 14 وڭىردەگى Tomorrow School مەكتەپتەرىنىڭ جەلىسىن اشتى.
پرەزيدەنت Alem.ai حالىقارالىق جاساندى ينتەللەكت ورتالىعىن ارالاپ كوردى
بۇل مەكتەپتە كامەلەت جاستان اسقان, سونىڭ ىشىندە اقپاراتتىق تەحنولوگيا سالاسىنا جاڭا قادام باسقان ازاماتتار تەگىن ءبىلىم الادى.
سونداي-اق تسيفرلىق جانە شىعارماشىلىق داعدىلاردى مەڭگەرگىسى كەلەتىن 12-18 جاس ارالىعىنداعى بالالار مەن جاسوسپىرىمدەرگە ارنالعان TUMO Astana كرەاتيۆتى تەحنولوگيالار ورتالىعى اشىلدى.
مۇندا گەنەراتيۆتى جاساندى ينتەللەكت, باعدارلامالاۋ, ويىن ويلاپ تابۋ, انيماتسيا, 3D-مودەلدەۋ, روبوتتى تەحنيكا, كينوونىم جانە تسيفرلىق مۋزىكا سەكىلدى 11 تەحنيكالىق جانە كرەاتيۆتى باعىت بويىنشا ءبىلىم بەرىلەدى.