قورعانىس ءمينيسترىنىڭ ورىنباسارى اسقار مۇستابەكوۆ باتىس قازاقستان وبلىسى اۋماعىنا قۇلاعان دروندارعا قاتىستى پىكىر ءبىلدىردى, دەپ حابارلايدى Egemen.kz.
ونىڭ ايتۋىنشا, درون بولشەكتەرى تابىلىپ, ولاردىڭ قاي مەملەكەتكە تيەسىلى ەكەنىن انىقتاۋ ماقساتىندا ارنايى كوميسسيا قۇرىلدى. كوميسسيا قۇرامىنا قارۋلى كۇشتەردىڭ تاجىريبەلى ماماندارى ەنگىزىلگەن. سونداي-اق دروندارعا قارسى ءىس-قيمىلعا تەك اۋە شابۋىلىنا قارسى قورعانىس كۇشتەرى عانا ەمەس, راديوەلەكتروندىق كۇرەس بولىمدەرى دە تارتىلعان.
قازىرگى ۋاقىتتا ءتيىستى تەكسەرۋ جۇمىستارى جالعاسىپ جاتىر.
ەسكە سالا كەتەيىك, 2026 جىلدىڭ ناۋرىز ايىندا رەسەيمەن شەكاراعا جاقىن ورنالاسقان اتىراۋ وبلىسىنىڭ قۇرمانعازى اۋدانىندا ۇشقىشسىز ۇشۋ اپپاراتىنا ۇقساس سىنىقتار تابىلعان بولاتىن. جەرگىلىكتى پوليتسيا دەپارتامەنتىنىڭ مالىمەتىنشە, بۇل دەرەك بويىنشا تەكسەرۋ جۇمىستارى جۇرگىزىلىپ جاتىر.