پرەزيدەنت قاسىم-جومارت توقاەۆ پاكىستان پرەمەر-ءمينيسترى شاحباز شاريف پەن پاكىستان قارۋلى كۇشتەرىنىڭ باس قولباسشىسى, فەلدمارشال اسيم ءمۋنيردىڭ ارااعايىندىعى ارقىلى تاياۋ شىعىستاعى سوعىستى تولىق توقتاتۋ جانە بىتىمگە كەلۋ تۋرالى كەلىسىمگە قول جەتكىزىلۋىن قۇپتايدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
بۇل كەلىسىم اقش پرەزيدەنتى دونالد ترامپتىڭ جانە يراننىڭ جوعارعى باسشىلىعىنىڭ, سونداي-اق اسكەري قاقتىعىسقا قاتىسقان ەلدەردىڭ ىزگى نيەتى مەن پاراساتتىلىعىنىڭ ارقاسىندا مۇمكىن بولدى.
تاياۋ شىعىستان 10 مىڭنان استام وتانداسىمىز ەلگە قايتارىلدى
مەملەكەت باسشىسى الەمدىك ساۋدانىڭ دامۋىنا جانە بارلىق مەملەكەتتىڭ ەكونوميكالىق وركەندەۋىنە جاعداي جاساۋ ماقساتىندا قول جەتكىزىلگەن بىتىمگەرشىلىك كەلىسىمنىڭ ۇزاق مەرزىمدى سيپاتقا يە بولاتىنىنا ءۇمىت ءبىلدىردى.