استانا قالاسىندا ينتەللەكتۋالدى بەينەباقىلاۋ جۇيەسى ەلەكتروساموكات جۇرگىزۋشىلەرى جىبەرگەن جول قوزعالىسى ەرەجەسىن بۇزۋشىلىقتاردى تىركەي باستايدى. بۇل تۋرالى قالالىق پوليتسيا دەپارتامەنتى حابارلادى, دەپ جازادى Egemen.kz.
جاڭا جۇيەنى قۇقىق قورعاۋ ورگاندارى «سەرگەك» كومپانياسىمەن بىرلەسىپ ازىرلەپ جاتىر. قازىرگى ۋاقىتتا قۇقىق بۇزۋشىلاردى جاۋاپكەرشىلىككە تارتۋ ءۇشىن مەملەكەتتىك نومىرلەردى اۆتوماتتى تۇردە تانۋ جۇيەسى جاسالىپ جاتىر. جۇيە ايىپپۇل سالۋ ءۇشىن قاجەى ماتەريالداردى قالىپتاستىراتىن بولادى.
پوليتسيا مالىمەتىنشە, تسيفرلىق تەحنولوگيالار مەن سايكەستەندىرۋ جۇيەسىن قولدانۋ قۇقىق بۇزۋشىلاردى ءتيىمدى انىقتاۋعا, جول-كولىك وقيعالارىن ازايتۋعا جانە پايدالانۋشىلاردىڭ ءتارتىبىن ارتتىرۋعا مۇمكىندىك بەرەدى.
«قازىرگى تاڭدا ەلوردادا 10 مىڭنان استام ەلەكتروساموكات بار, ونىڭ شامامەن 8 مىڭى تۇراقتى قولدانىستا. سونىمەن قاتار وسى كولىك تۇرىنە قاتىستى قۇقىق بۇزۋشىلىقتار مەن جول-كولىك وقيعالارىنىڭ سانى ارتىپ كەلەدى. جىل باسىنان بەرى 45 جول اپاتى تىركەلىپ, 50 ادام جاراقات العان», دەلىنگەن حابارلامادا.
2026 جىلعى 1 شىلدەدەن باستاپ زاڭناماعا ەنگىزىلگەن وزگەرىستەر كۇشىنە ەنەدى. وعان سايكەس, ەلەكتروساموكاتتار جول قوزعالىسىنىڭ تولىققاندى قاتىسۋشىلارى رەتىندە تانىلادى.
جاڭا تالاپتارعا ساي:
جۇرگىزۋشىلەر تۇنگى ۋاقىتتا شلەم جانە جارىق شاعىلىستىراتىن ەلەمەنتتەردى پايدالانۋعا مىندەتتى; جولاۋشى تاسىمالداۋ, پايدالانۋ قاعيدالارىن بۇزۋ جانە كامەلەتكە تولماعانداردىڭ باسقارۋى ءۇشىن اكىمشىلىك جاۋاپكەرشىلىك ەنگىزىلەدى; قوزعالىس ۆەلوجولاقتاردا, ۆەلوجولداردا جانە جولدىڭ وڭ جاق شەتىندە رۇقسات ەتىلەدى; 18 جاسقا تولماعان تۇلعالار جۇرگىزۋشى كۋالىگىنسىز جولدىڭ ءجۇرۋ بولىگىندە قوزعالا المايدى.«اقىلدى» كامەرالار قۇرىعى: 12 ناۋرىزدان باستاپ ايىپپۇلدار اۆتوماتتى تۇردە جازىلادى