2-4 ءساۋىر ارالىعىندا قازاقستان اۋماعىندا اۋا رايى ايتارلىقتاي قۇبىلمالى بولادى. ەلدىڭ بىرقاتار وڭىرىندە كوكتەمنىڭ جىلى ءارى قۇرعاق اۋا رايى ساقتالعانىمەن, باتىستا جانە كەيىننەن باسقا ايماقتاردا جاۋىن-شاشىن, نايزاعاي جانە ەكپىندى جەل كۇتىلەدى, دەپ جازادى Egemen.kz.
اتاپ ايتقاندا, سولتۇستىك, شىعىس جانە وڭتۇستىك-شىعىس وڭىرلەردە جاۋىن-شاشىنسىز, جىلى اۋا رايى ساقتالادى.
ال باتىس وڭىرلەرگە وڭتۇستىك تسيكلون اسەر ەتەدى. سونىڭ سالدارىنان مۇندا اۋا رايى تۇراقسىز سيپات الىپ, جاڭبىر مەن جەل كۇشەيەدى. تسيكلون شىعىسقا قاراي جىلجىعان سايىن ونىڭ ىقپالى كەڭەيىپ, سولتۇستىك, ورتالىق جانە وڭتۇستىك وبلىستاردا نايزاعايلى جاڭبىر جاۋىپ, كەي جەرلەردە نوسەر جاۋىن بولۋى مۇمكىن.
سينوپتيكتەردىڭ مالىمەتىنشە, كەي وڭىرلەردە جەلدىڭ كۇشەيۋى جانە كۇندىز سولتۇستىك-باتىستا بۇرشاق ءتۇسۋى ىقتيمال. سونىمەن قاتار تۇنگى جانە تاڭعى ساعاتتاردا تۇمان ءتۇسۋى كۇتىلەدى, بۇل كولىك قوزعالىسىنا اسەر ەتۋى مۇمكىن.
ەسكە سالايىق, 1 ساۋىردە ەلىمىزدە 30 گرادۋس ىستىق بولعان.
كۇندىزگى تەمپەراتۋرالىق كورسەتكىشتەر دە وڭىرلەرگە قاراي ءارتۇرلى بولادى. سولتۇستىك-باتىس پەن سولتۇستىكتە اۋا تەمپەراتۋراسى +15…+25°س-تان +12…+20°س-قا دەيىن تومەندەيدى, ال وڭتۇستىكتە +27…+32°س-تان +18…+25°س-قا دەيىن سالقىندايدى.
باتىس وڭىرلەردە كەرىسىنشە, +13…+20°س-تان +18…+25°س-قا دەيىن جىلىنادى, بۇل تسيكلوننىڭ اسەرىمەن بايلانىستى. شىعىستا تەمپەراتۋرا +18…+26°س شاماسىندا كوتەرىلەدى, ال ورتالىق وڭىرلەردە +15…+25°س دەڭگەيىندە تۇراقتايدى. وڭتۇستىك-شىعىستا اۋا تەمپەراتۋراسى +25…+30°س شاماسىندا ساقتالادى.
ەلىمىزدىڭ 13 قالاسىندا اۋا ساپاسى ناشارلايدى