وقۋ-اعارتۋ ءمينيسترى جۇلدىز سۇلەيمەنوۆا مەن «قازاقستان حالقىنا» قورىنىڭ باسقارما توراعاسى ءلاززات شىڭعىسباەۆا ەلىمىزدەگى اۋىل مەن قالا مەكتەپتەرىنىڭ اراسىنداعى ءبىلىم الشاقتىعىن جويۋ ماسەلەلەرىن تالقىلادى, دەپ جازادى Egemen.kz.
كەزدەسۋ بارىسىندا «Qazaq Digital Mektebi» يننوۆاتسيالىق جوباسىن قارجىلاندىرۋ جانە وعان ينۆەستورلاردى تارتۋ تەتىكتەرى قاراستىرىلدى.
روتاتسيا رەفورماسى: مەكتەپ ديرەكتورلارىن شەكتى مەرزىمگە تاعايىنداۋ قانشالىقتى ءتيىمدى؟
«Qazaq Digital Mektebi» جوباسى قىركۇيەك ايىندا ەلىمىزدىڭ 7 وبلىسىندا پيلوتتىق رەجيمدە ىسكە قوسىلادى. پيلوتتىق جوبا اياسىندا سولتۇستىك قازاقستان, قوستاناي, اقمولا, پاۆلودار, باتىس قازاقستان, اقتوبە جانە شىعىس قازاقستان وبلىستارىنداعى شاعىن جيناقتى مەكتەپتەردى قامتۋ جوسپارلانىپ وتىر. قازىر ارنايى تۇجىرىمداما بەكىتىلىپ, تاڭداپ الىنعان مەكتەپتەردىڭ تەحنيكالىق جاعدايى زەردەلەنىپ جاتىر. جەرگىلىكتى اتقارۋشى ورگاندارمەن بىرلەسىپ, ءبىلىم وشاقتارىن زاماناۋي قۇرىلعىلارمەن جابدىقتاۋ جانە ساپالى تسيفرلىق ينفراقۇرىلىممەن قامتۋ جۇمىستارى باستالعان.
مەكتەپتەر مەن كوللەدجدەردە قۇقىقتىق مادەنيەت ساباقتارى باستالدى
باعدارلاما اۋىل مەكتەپتەرى ءۇشىن وقىتۋدى باسقارۋدىڭ ۇلتتىق پلاتفورماسىن ەنگىزۋ جانە ول پلاتفورمانى بىرەگەي تسيفرلىق ءبىلىم بەرۋ كونتەنتىمەن قامتۋدى كوزدەيدى. «Qazaq Digital Mektebi» جوباسىنىڭ ءساتتى ورىندالۋى اۋىل بالالارىنا باسەكەگە قابىلەتتى ءبىلىم الۋعا مۇمكىندىك بەرىپ, ەلىمىزدىڭ ادامي كاپيتالىن دامىتۋدىڭ نەگىزگى قوزعاۋشى كۇشىنە اينالادى.