اتىراۋداعى مۇناي وڭدەۋ زاۋىتى ەكولوگيالىق نورمالاردى بۇزعانى ءۇشىن 420 ملن تەڭگە ايىپپۇل تولەۋگە مىندەتتەلدى. جوسپاردان تىس جۇرگىزىلگەن تەكسەرىس بارىسىندا زاۋىتتان شىققان شىعارىندىلار مەن اعىندى سۋلار زاڭ تالاپتارىنا ساي كەلمەيتىنى انىقتالدى, دەپ حابارلايدى Egemen.kz.
وبلىستىق ەكولوگيا دەپارتامەنتى باسشىسىنىڭ ورىنباسارى الىبەك بەكمۇحامبەتوۆتىڭ ايتۋىنشا, تەكسەرىستىڭ سەبەبى – اتىراۋ قالاسىنىڭ تۇرعىندارى تاراپىنان كۇكىرتسۋتەك يىسىنە بايلانىستى تۇسكەن شاعىمدار بولدى.
«تەكسەرىس قورىتىندىسى بويىنشا ءۇش حاتتاما جاسالدى. ماماندار كەيبىر اتموسفەراعا شىعارىندىلار نورماتيۆتەن اسىپ كەتكەنىن انىقتادى. سونىمەن قاتار, زاۋىتتىڭ اعىندى سۋلارى ەكولوگيالىق رۇقساتسىز توگىلگەنى بەلگىلى بولدى. قازىرگى تاڭدا كاسىپورىن تەكسەرىس قورىتىندىسىمەن كەلىسپەيدى», دەدى ا. بەكمۇحامبەتوۆ.
تۇركىستاندا ايىپپۇلعا اشۋلانعان ەر ادامدار بەينەكامەرالاردى سىندىرعان
ايتا كەتەيىك, بيىل قاڭتاردىڭ سوڭىندا اتىراۋ وبلىسىنىڭ ەكولوگيا دەپارتامەنتى اتىراۋ مۇناي وڭدەۋ زاۋىتىندا جوسپاردان تىس تەكسەرىس جۇرگىزىلەتىنىن حابارلاعان ەدى. اقپان ايىنىڭ سوڭىندا زاۋىتقا 6,92 ملن تەڭگە كولەمىندە ايىپپۇل سالىندى.
اتىراۋ مۇناي وڭدەۋ زاۋىتىنان 4,3 ملن تەڭگە ايىپپۇل ءوندىرىلدى