اقتوبە وبلىسىندا كولىگى بۇزىلىپ, جولدا قالعان قىتاي ازاماتىنا پوليتسەي دەر كەزىندە كومەك كورسەتىپ, ونىڭ ساپارىن جالعاستىرۋىنا جاعداي جاسادى. شەتەلدىك ازامات كورسەتىلگەن قولداۋ ءۇشىن العىسىن ءبىلدىردى, دەپ حابارلايدى Egemen.kz.
وقيعا شالقار قالاسىندا بولعان. كوشى-قون پوليتسياسىنىڭ قىزمەتكەرى داستان ەرمەكباەۆ قىزمەت بارىسىندا كوشەلەردىڭ بىرىندە جول جيەگىندە توقتاپ تۇرعان شەتەلدىك ءنومىرلى اۆتوكولىكتى بايقايدى. پوليتسەي جۇرگىزۋشىگە جاقىنداپ, جاعدايىن سۇراعان.
جامبىلدىق پوليتسەيلەر قۇستارعا ۇيا سالىپ بەردى
بەلگىلى بولعانداي, قىتاي ازاماتى قازاقستان اۋماعىندا ساياحاتتاپ جۇرگەن. الايدا شالقارعا كەلگەندە ونىڭ كولىگى تەحنيكالىق اقاۋعا ۇشىراپ, قوزعالىس كەزىندە ءوشىپ قالعان.
پوليتسيا قىزمەتكەرى جۇرگىزۋشىگە كولىكتى ءبولىم عيماراتىنىڭ الدىنا دەيىن جەتكىزىپ, اقاۋدى جويۋعا كومەكتەسۋدى ۇسىندى. جەدەل كورسەتىلگەن كومەكتىڭ ارقاسىندا كولىك جولدىڭ ءجۇرىس بولىگىنەن شىعارىلىپ, وزگە جۇرگىزۋشىلەرگە كەدەرگى كەلتىرۋدىڭ الدىن الدى.
قوستاناي وبلىسىندا پوليتسەيلەر مۇز استىنا ءتۇسىپ كەتكەن ەكى بالىقشىنى قۇتقاردى
ناتيجەسىندە شەتەلدىك ازامات ساپارىن جالعاستىرىپ, پوليتسەيگە قامقورلىعى مەن دەر كەزىندە كورسەتكەن كومەگى ءۇشىن شىنايى العىسىن جەتكىزدى.
پاۆلودار وبلىسىندا كيبەرپوليتسەيلەر زەينەتكەردىڭ 5 ملن تەڭگەسىن الاياقتاردان ساقتاپ قالدى