حالىقارالىق CERAWeek كونفەرەنتسياسىندا قازاقستان مۇناي-گاز سالاسىن دامىتۋدىڭ نەگىزگى باعىتتارىن ۇسىندى. ءىس-شارا بارىسىندا ەلدىڭ جاھاندىق ەنەرگەتيكا نارىعىنداعى ورنى مەن الداعى جوسپارلارى كەڭىنەن تالقىلاندى, دەپ حابارلايدى Egemen.kz.
كونفەرەنتسيا اياسىندا ەنەرگەتيكا ءمينيسترى ەرلان اقكەنجەنوۆ «مۇناي نارىعىنىڭ جاھاندىق بولجامى: نەگىزگى فاكتورلار مەن گەوساياسي تۋربۋلەنتتىك» سەسسياسىنا قاتىسىپ, قازاقستاننىڭ سەنىمدى ەنەرگيا جەتكىزۋشى رەتىندەگى پوزيتسياسىن ساقتاۋ ماڭىزدى ەكەنىن اتاپ ءوتتى.
مينيستر ءوز سوزىندە سالانىڭ الدىندا تۇرعان وزەكتى ماسەلەلەرگە توقتالدى. سونىڭ ىشىندە ەنەرگەتيكالىق قاۋىپسىزدىكتى قامتاماسىز ەتۋ جانە كاسپي قۇبىر كونسورتسيۋمىنىڭ (كقك) تۇراقتى جۇمىسىن ساقتاۋ – باستى باسىمدىقتاردىڭ ءبىرى ەكەنى ايتىلدى. ويتكەنى ءدال وسى باعىت ارقىلى وتاندىق مۇنايدىڭ نەگىزگى بولىگى ەكسپورتتالادى, سوندىقتان ونىڭ ۇزدىكسىز جۇمىسى ۇلتتىق ەكونوميكا ءۇشىن شەشۋشى مانگە يە.
ورمۇز بۇعازى ارقىلى مۇناي تاسىمالى قالاي شەشىلمەك؟
سونىمەن قاتار قازاقستان ەكسپورت باعىتتارىن ءارتاراپتاندىرۋ ساياساتىن جۇيەلى تۇردە جۇزەگە اسىرىپ كەلەدى. بۇل رەتتە قىتاي حالىق رەسپۋبليكاسى باعىتىنا شىعاتىن مارشرۋتتاردى دامىتۋ كوزدەلگەن. دەگەنمەن, كقك ەكونوميكالىق تۇرعىدان ەڭ ءتيىمدى ءارى نەگىزگى تاسىمالداۋ ارناسى بولىپ قالا بەرەدى.
جيىندا ينۆەستيتسيالىق احۋالدى جاقسارتۋ ماسەلەسىنە دە ەرەكشە نازار اۋدارىلدى. ءمينيستردىڭ ايتۋىنشا, گەولوگيالىق بارلاۋ مەن كومىرسۋتەك وندىرۋگە جاڭا ينۆەستيتسيالار تارتۋ ءۇشىن سالىقتىق جەڭىلدىكتەر قاراستىرىلعان.جاقسارتىلعان ۇلگىلىك كەلىسىمنىڭ جۇمىس ىستەپ تۇرعانىن اتاپ ءوتتى.
قازاقستان مۇنايى نەگە كۇرت قىمباتتادى؟
سونداي-اق مۇناي-حيميا سالاسىن دامىتۋ جوسپارى تانىستىرىلدى. قازاقستان مۇناي وڭدەۋ قۋاتىن 2 ەسەگە ارتتىرۋدى كوزدەپ وتىر. بۇل باستاما ىشكى نارىقتى تولىق قامتاماسىز ەتىپ قانا قويماي, ورتالىق ازياداعى مۇناي ونىمدەرىن جەتكىزۋشى رەتىندەگى ەلدىڭ الەۋەتىن كۇشەيتۋگە مۇمكىندىك بەرەدى.
جالپى, قازاقستاننىڭ CERAWeek كونفەرەنتسياسىنا قاتىسۋى حالىقارالىق ەنەرگەتيكالىق قاۋىمداستىقپەن اشىق ديالوگ ورناتۋعا جانە جاھاندىق سىن-قاتەرلەر جاعدايىندا تەڭگەرىمدى ساياسات جۇرگىزۋگە دايىن ەكەنىن كورسەتەدى.
Brent ماركالى مۇنايدىڭ باعاسى باررەلىنە 112 دوللاردان استى