ەلىمىزدە ازاماتتار ءوز قۇجاتتارىنداعى ۇلتىن تەگىن وزگەرتە الادى. بۇل تۋرالى ءىىم كوشى-قون قىزمەتى كوميتەتى مالىمدەدى. ياعني, ۇلتتى وزگەرتۋ ءۇشىن ارنايى مەملەكەتتىك باج سالىعى الىنبايدى. تەك جاڭا قۇجاتتاردى راسىمدەۋ ءۇشىن عانا تولەم جاسالادى, دەپ حابارلايدى Egemen.kz.
جەكە كۋالىك پەن پاسپورتتاعى «ۇلتى» دەگەن باعان تەك ادامنىڭ ءوز قالاۋىمەن تولتىرىلادى. بۇل مالىمەت ازاماتتىڭ قۇقىقتارى مەن مىندەتتەرىنە اسەر ەتپەيدى.
العاشقىدا ۇلت اتا-اناسىنىڭ دەرەكتەرى نەگىزىندە جازىلادى. ەگەر اتا-انانىڭ ۇلتى ءارتۇرلى بولسا, ازامات اكەسىنىڭ نەمەسە اناسىنىڭ ۇلتىن تاڭداۋعا قۇقىلى. كەيىن تەك سول ەكى نۇسقانىڭ بىرىنە عانا وزگەرتۋگە بولادى.
ساياسي قۋعىن-سۇرگىن كەزىندە قازاقستانعا كۇشتەپ كوشىرىلگەن ادامدار ءۇشىن ەرەكشە ءتارتىپ قاراستىرىلعان. ولار ۇلتىن وزگەرتۋ ءۇشىن اقتالۋ تۋرالى قۇجات نەمەسە سوت شەشىمىن ۇسىنۋى كەرەك.
ەندى كولىكتىڭ تەحنيكالىق پاسپورتىن Kaspi.kz ارقىلى اۋىستىرۋعا بولادىۇلتىن وزگەرتۋ ءۇشىن تۇرعىلىقتى جەرى بويىنشا كوشى-قون قىزمەتىنە جازباشا ءوتىنىش بەرۋ قاجەت. وتىنىشكە تۋ تۋرالى كۋالىك, قاجەت بولسا قوسىمشا قۇجاتتار تىركەلەدى. قاراۋ مەرزىمى – شامامەن 2 جۇمىس كۇنى.
ۇلتتى وزگەرتۋ تەگىن بولعانىمەن, جاڭا قۇجات الۋ ءۇشىن تولەم تولەنەدى:
پاسپورت (36 بەت) – شامامەن 8 اەك (≈ 34–35 مىڭ تەڭگە) پاسپورت (48 بەت) – شامامەن 12 اەك (≈ 51–52 مىڭ تەڭگە) جەكە كۋالىك – شامامەن 0,2 اەك (≈ 865 تەڭگە)ەگەر قۇجات باسقا سەبەپپەن (مەرزىمى ءوتۋ, اتى-ءجونى وزگەرۋ) اۋىستىرىلسا, تولەم بولەك الىنادى.