استانا قالاسىنداعى تەحنولوگيالىق كوللەدج ستۋدەنتتەرى «تازا قازاقستان» ەكولوگيالىق اكتسياسى اياسىندا سەنبىلىك ۇيىمداستىرىپ, قورشاعان ورتانى قورعاۋعا ۇلەس قوستى, دەپ جازادى Egemen.kz.
ءىس-شاراعا كوللەدجدىڭ جۇزدەن استام ستۋدەنتى بەلسەنە قاتىسىپ, وقۋ ورنىنىڭ اۋماعى مەن وقۋ كابينەتتەرىندە تازالىق جۇمىسىن جۇرگىزدى.
سەنبىلىك بارىسىندا ستۋدەنتتەر كوللەدج اۋلاسىن قاردان تازالاپ, اينالانى رەتكە كەلتىردى. ۇجىمدىق ەڭبەكتىڭ ناتيجەسىندە ءبىلىم ورداسىنىڭ اۋماعى كوركەيىپ, تازارتىلدى.
تازارۋ كۇنى: پرەزيدەنت ازاماتتاردى تازالىق پەن ءتارتىپ ەستافەتاسىنا بەلسەنە قاتىسۋعا شاقىردى
مۇنداي ءىس-شارالار جاستاردى ۇيىمشىلدىققا, جاۋاپكەرشىلىككە جانە ەڭبەكقورلىققا باۋليدى.
اتالعان سەنبىلىك تەك تازالىق جۇمىسىمەن شەكتەلمەي, ەكولوگيالىق مادەنيەتتى قالىپتاستىرۋعا باعىتتالعان ماڭىزدى باستاما بولدى.
ەلىمىزدە ء«مولدىر بۇلاق» ەكولوگيالىق اكتسياسى باستالدى
قورشاعان ورتانى قورعاۋ – بارشا قوعامنىڭ ورتاق مىندەتى. وسى تۇرعىدا جاستاردىڭ تابيعاتقا جاناشىرلىقپەن قاراۋى, تازالىقتى ساقتاۋعا دەگەن كوزقاراسىنىڭ قالىپتاسۋى ەرەكشە ماڭىزعا يە.