ناۋرىز مەيرامى كۇنى «نۇرلى جول» ۆوكزالىنىڭ پەررونىنان ۇلتتىق ناقىشتا بەزەندىرىلگەن №85/86 «استانا – شىمكەنت» پويىزى ساپارعا اتتاندى. جولاۋشىلاردى پەرروندا ۇلتتىق كيىم كيگەن جولسەرىكتەر قارسى الىپ, ەرەكشە مەرەكەلىك كوڭىل-كۇي سىيلادى. ءاربىر جولاۋشىعا ۇلتتىق تاعامدار – ناۋرىز كوجە مەن باۋىرساق ۇسىنىلدى, دەپ حابارلايدى Egemen.kz.
سونداي-اق, №6829/6830 «استانا – كوكشەتاۋ» جانە №7507/7508 «استانا – كوكشەتاۋ» باعىتىنداعى ەلەكتر پويىزدارى دا مەرەكەلىك ۇلگىدە بەزەندىرىلدى. ەتنوستيلدەگى پويىزدار 2026 جىلعى ناۋرىز ايىنىڭ سوڭىنا دەيىن قاتىنايدى.
جولاۋشىلاردى مەرەكەلەرمەن قۇتتىقتاۋ كومپانيانىڭ جىل سايىنعى ماڭىزدى داستۇرىنە اينالعان. ۇلتتىق تاسىمالداۋشى پويىزداردى تاقىرىپتىق ستيلدە بەزەندىرىپ, جولاۋشىلارعا ەرەكشە كوڭىل كۇي سىيلايدى.
اتالعان مەرەكەلىك اكتسيا ەلىمىزدىڭ بارلىق وڭىرلەرىندە وتكىزىلىپ جاتىر. كومپانيا قىزمەتكەرلەرى مەن جولسەرىكتەر پويىز ىشىندە دە, پەررونداردا دا جولاۋشىلاردى ناۋرىز مەرەكەسىمەن قۇتتىقتاۋدا.
«تازارۋ كۇنى»: ەرتەڭ ەلىمىزدە اۋماقتاردى تازارتۋ بويىنشا ەكو-اكتسيا وتەدى