پرەزيدەنت الماتى قالاسىنىڭ اكىمىن قابىلدادى

2025 جىلدىڭ قورىتىندىسى بويىنشا ءوسىم 6,5 %-دى قۇرادى, ال بيىلعى قاڭتار-اقپان ايلارىندا قىسقا مەرزىمدى ەكونوميكالىق ينديكاتور 9,4 %-عا جەتتى. نەگىزگى كورسەتكىشتەر ونەركاسىپ, قۇرىلىس, كولىك جانە ساۋدا سالالارى ەسەبىنەن قۇرالادى.

شاھاردىڭ ينۆەستيتسيالىق پورتفەلى 2,8 تريلليون تەڭگەدەن اسادى. «الماتى» يندۋستريالىق ايماعى مەن «الاتاۋ» ارنايى ەكونوميكالىق ايماعىنا جاڭا جوبالاردى تارتۋ ماقساتىندا كەڭەيتۋ جۇمىستارى جۇرگىزىلىپ جاتىر.

الماتى ەلىمىزدىڭ IT سەكتورىندا جەتەكشى ءرول اتقارادى. تسيفرلاندىرۋ اياسىندا Almaty AI Park قالىپتاسىپ, جاساندى ينتەللەكت نەگىزىندەگى بەينەمونيتورينگ پەن تالداۋ جۇيەسى دامىپ كەلەدى.

تۋريزم مەن تاۋ كلاستەرىن وركەندەتۋ جالعاسادى. بيىل «شىمبۇلاقتى» جاڭعىرتۋ, ىرگەلەس شاتقالداردى دامىتۋ جۇمىستارى باستالادى. جوبالاردى ىسكە اسىرۋ 2029 جىلعى قىسقى ازيا ويىندارىنا دايىندىق شارالارىمەن بىرگە جۇرگىزىلەدى. سونىمەن قاتار قوناقۇي ينفراقۇرىلىمى كەڭەيتىلىپ جاتىر.

باس جوسپاردى تۇزەتۋ اياقتالۋعا جاقىن. وندا قالا ىشىندەگى ورتالىق مودەلىن دامىتۋ جانە تاۋ بوكتەرىندەگى اۋماقتا قۇرىلىسقا شەكتەۋ ەنگىزۋ كوزدەلگەن.

توقاەۆ يزرايل پرەزيدەنتى يتسحاك گەرتسوگپەن تەلەفون ارقىلى سويلەستى

قوعامدىق كولىكتى ىلگەرىلەتۋ, سونىڭ ىشىندە BRT جەلىسىن كەڭەيتۋ, مەترو قۇرىلىسى جانە جاڭا ترانسپورتتىق شەشىمدەردى پىسىقتاۋ نەگىزگى باسىمدىق سانالادى.

ينجەنەرلىك ينفراقۇرىلىم جانە سۋمەن جابدىقتاۋ جۇيەسى جاڭارتىلىپ جاتىر.

ەكولوگيالىق كۇن تارتىبىنە ەرەكشە نازار اۋدارىلىپ, جىلۋ كوزدەرىن جاڭعىرتۋ جانە شىعارىندىلاردى ازايتۋ شارالارى قولعا الىندى.

كەزدەسۋ سوڭىندا مەملەكەت باسشىسى Almaty AI Park جوباسىن جەدەلدەتۋ, سونداي-اق LRT جانە SkyTrain جۇيەلەرىن ەنگىزۋ جۇمىستارىن جانداندىرۋ بويىنشا بىرقاتار تاپسىرما بەردى.

پرەزيدەنت «قازاتومونەركاسىپ» باسقارما توراعاسى مەيىرجان يۋسۋپوۆتى قابىلدادى