ناۋرىز مەرەكەسىنە وراي ەلوردادا 200-دەن استام ءتۇرلى باعىتتاعى ءىس-شارا مەن اكتسيا وتەدى. ءداستۇر بويىنشا ناۋرىزناما مەرەكەلىك ونكۇندىگىنىڭ ءار كۇنى ۇلتتىق قۇندىلىقتار مەن بەلگىلى ءبىر تاقىرىپقا ارنالادى. بۇگىن − ۇلتتىق كيىم كۇنى. استانا قالاسىنىڭ اكىمدىگى مەرەكەگە وراي بىرنەشە ءىس-شارا ۇيىمداستىرىپ وتىر. قالا تۇرعىندارى زاماناۋي تەحنولوگيالاردىڭ ۇلتتىق داستۇرلەرمەن قالاي ۇيلەسەتىنىن كورىپ, ءتۇرلى تسيفرلىق ءارى تانىمدىق بەلسەندىلىكتەرگە قاتىسا الادى, دەپ حابارلايدى Egemen.kz.
بۇگىن ەلوردالىق سپورت كەشەنىندە « ۇلى دالا ءۇنى» شوۋ-ميۋزيكلى وتەدى. سونداي-اق, ساعات 13:00-دە ە.راحماديەۆ اتىنداعى مەملەكەتتىك اكادەميالىق فيلارمونيادا «التىن اجە» رەسپۋبليكالىق بايقاۋى ۇيىمداستىرىلادى.
«حان شاتىر» ساۋدا-ويىن-ساۋىق ورتالىعىندا وتاندىق ديزاينەرلەردىڭ ۇلتتىق كيىم توپتامالارى كورسەتىلىپ, بەلسەندى ۇزاق ءومىر ءسۇرۋ ورتالىعىنىڭ جۇمىستارى تانىستىرىلادى.
ناۋرىزناما: بۇگىن – قايىرىمدىلىق جاسايتىن كۇن
ۇلتتىق مۋزەيدە «ۇلتتىق كيىم – ۇلت بەينەسى» ءىس-شاراسى, ال EXPO حالىقارالىق كورمە ورتالىعىندا جانە «MEGA Silk Way» ساۋدا-ويىن-ساۋىق ورتالىعىندا «قازاق حالقىنىڭ ۇلتتىق كيىمى – ۇلتتىڭ بەت-بەينەسى» اتتى تەاترلاندىرىلعان باعدارلاما وتەدى.
ۇلتتىق كيىم كۇنى اياسىندا «تۇراندوت» مەيرامحاناسىندا قوناقتارعا ۇلتتىق كيىم كيگەن روبوتتار قىزمەت كورسەتەدى.
شاڭىراق كۇنى: بۇگىن ەلوردادا قانداي ءىس-شارالار وتەدى؟
قازاق ۇلتتىق ونەر ۋنيۆەرسيتەتىندە «ۇلتتىق كيىم – ۇلت ايناسى» شىعارماشىلىق ءىس-شاراسى جوسپارلانعان.
«Damu Mall» ساۋدا-ويىن-ساۋىق ورتالىعىندا ۇلتتىق كيىم كورمەسى ۇيىمداستىرىلادى.
بەلسەندى ۇزاق ءومىر ءسۇرۋ ورتالىعىندا ۇلتتىق كيىم تىگۋدەن شەبەرلىك ساباعى وتكىزىلەدى.
ايتا كەتەيىك, مەرەكەنىڭ قۇرمەتىنە 18 ناۋرىز كۇنى ەلوردادا «ۇلتتىق كيىمدەگى ءبىر كۇن» چەللەندجى باستالادى.