جاڭا كونستيتۋتسيانىڭ نورمالارىن جۇزەگە اسىرۋ شەڭبەرىندە استانا مەن الاتاۋ قالاسى ءۇشىن ەرەكشە قۇقىقتىق رەجيمدى ايقىندايتىن زاڭ جوبالارى ازىرلەندى. بۇل تۋرالى ۇكىمەت وتىرىسىندا پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين مالىمدەدى, دەپ جازادى Egemen.kz.
زاڭ جوبالارى الاتاۋ ءۇشىن «قارقىندى دامۋ قالاسىنىڭ» رەجيمىن ەنگىزەدى جانە قالالىق ورتانىڭ ساپاسىن ارتتىرۋ ءۇشىن استانا مارتەبەسىن ناقتىلايدى. الاتاۋ قالاسىندا وزىق حالىقارالىق ستاندارتتاردى ەنگىزۋ, پيلوتسىز كولىك پەن تسيفرلىق اكتيۆتەردى دامىتۋ جوسپارلانىپ وتىر.
قازاقستاندا ازاماتتاردىڭ دەربەس دەرەكتەرىن قورعاۋ كۇشەيتىلەدى
ەلوردا ءۇشىن قالا قۇرىلىسى, كوشى-قون جانە كولىك سالالارىندا باسقارۋدىڭ ەرەكشە تەتىكتەرىن ەنگىزۋ كوزدەلگەن. ەكى قۇجات تا ينۆەستيتسيا تارتۋعا جانە جەرگىلىكتى مەملەكەتتىك باسقارۋدىڭ تيىمدىلىگىن ارتتىرۋعا باعىتتالعان.
ايدا بالاەۆا: مەملەكەت كەپىلدىك بەرگەن مەديتسينالىق كومەكتىڭ كولەمى ساقتالادى
«الاتاۋ قالاسى بويىنشا زاڭ جوباسى سالىق سالۋدىڭ ەرەكشە رەجيمىن قولدانۋدى جانە ينۆەستيتسيالاردى قورعاۋدى كوزدەيدى. استانا بويىنشا, ءبىز ەلوردانىڭ تۇراقتى دامۋىن قامتاماسىز ەتەتىن باسقارۋ ەرەكشەلىكتەرىن بەكىتەمىز. الاتاۋ بويىنشا پارلامەنتتە ەكىنشى وقىلىم 27 ناۋرىزعا جوسپارلانعان, ال ەلوردا مارتەبەسى بويىنشا زاڭ جوباسى وسى جىلدىڭ ءساۋىر ايىنىڭ سوڭىنا دەيىن ماجىلىسكە ەنگىزىلەدى», دەدى سەرىك جۇمانعارين.
جاڭا بۋىن وقۋلىقتارى كەزەڭ-كەزەڭىمەن ەنگىزىلەدى