بۇگىن ۇكىمەت وتىرىسىندا جاڭا كونستيتۋتسيا نورمالارىن جۇزەگە اسىرۋ جونىندەگى شارالار قارالدى. پرەمەر-مينيستر ولجاس بەكتەنوۆ ونىڭ زاماناۋي تاريحىنداعى ەل تاعدىرىن ايقىندايتىن ەلەۋلى كەزەڭ ەكەنىن اتاپ ءوتتى, دەپ جازادى Egemen.kz.
«ەڭ الدىمەن, بارشا قازاقستاندىقتاردى تاريحىمىزداعى اسا ماڭىزدى وقيعا – جالپىحالىقتىق رەفەرەندۋمدا جاڭا كونستيتۋتسيانىڭ قابىلدانۋىمەن قۇتتىقتايمىن! بۇل – قازاقستاننىڭ زاماناۋي تاريحىنداعى ەل تاعدىرىن ايقىندايتىن ەلەۋلى كەزەڭ. مەملەكەت باسشىسى قاسىم-جومارت كەمەل ۇلى توقاەۆتىڭ باسشىلىعىمەن جانە قوعامنىڭ بەلسەندى قولداۋىمەن ەلىمىزدە جۇرگىزىلىپ جاتقان اۋقىمدى وزگەرىستەر قازاقستاننىڭ كەز كەلگەن سىن-قاتەرلەرگە توتەپ بەرۋىن قامتاماسىز ەتەدى», دەدى ولجاس بەكتەنوۆ.
جاڭا كونستيتۋتسيا – ەلدىكتىڭ تىرەگى, ەگەمەندىكتىڭ تۇعىرى
پرەمەر-مينيستر جاڭا كونستيتۋتسيا ساياسي تۇراقتىلىقتى نىعايتىپ, ەكونوميكانى ودان ءارى جاڭعىرتۋعا جول اشاتىنىنا نازار اۋداردى.
ساراپشى: جاڭا كونستيتۋتسيانى قولداۋ – قوعامنىڭ جاڭعىرۋعا دايىن ەكەنىن كورسەتەدى
«اتا زاڭ ساياسي تۇراقتىلىقتى نىعايتىپ, ەكونوميكا مەن قوعامنىڭ بارلىق سالاسىن ودان ءارى جاڭعىرتۋعا جول اشادى. بىرلىك پەن ادىلدىك, زاڭ مەن ءتارتىپ سياقتى نەگىزگى قۇندىلىقتاردى ورنىقتىرىپ, ۇلتىمىزدىڭ ۇزاق مەرزىمدى دامۋ باعدارىن ايقىندايدى.
ول ەلىمىزدىڭ ساياسي جۇيەسىنە حالىقتىڭ تولىققاندى قاتىسۋىنا, ازاماتتاردىڭ قۇقىقتارى مەن بوستاندىقتارىنىڭ قورعالۋىنا, ادام كاپيتالىنىڭ, عىلىم مەن مادەنيەتتىڭ, تسيفرلىق ورتانىڭ ساپالى دامۋىنا, ەكولوگيالىق قاۋىپسىزدىكتىڭ ساقتالۋىنا كەپىلدىك بەرەدى», دەدى پرەمەر-مينيستر.
جاڭا كونستيتۋتسيا – جاڭارۋ مەن تۇراقتىلىققا قوعامدىق تاڭداۋ