اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆانىڭ جازاسى جەڭىلدەتىلدى. حامەنوۆا جازاسىن جابىق مەكەمەدە وتەمەيتىن بولدى. وعان تاعايىندالعان باس بوستاندىعىنان ايىرۋ جازاسى شەكتەۋ تۇرىمەن الماستىرىلدى, دەپ حابارلايدى Egemen.kz.
ءىس 16 ناۋرىزدا اتىراۋ قالالىق №2 سوتىندا قارالدى. بۇعان دەيىن حامەنوۆاعا بەرىلگەن جازانى ورىنداۋدى كەيىنگە قالدىرۋ مەرزىمى 10 ناۋرىزدا اياقتالعان.
سوت مالىمەتىنشە, وسى ۋاقىت ارالىعىندا حامەنوۆا قوعامدىق ءتارتىپتى بۇزباعان, اكىمشىلىك جاۋاپكەرشىلىككە تارتىلماعان جانە بالاسىن تاربيەلەۋ مىندەتتەرىن ورىنداعان. وسىعان بايلانىستى, پروباتسيا قىزمەتىنىڭ ۇسىنىسى قاناعاتتاندىرىلدى.
شىعىس قازاقستاندا ەكى ۆەدومستۆونىڭ لاۋازىمدى تۇلعالارى جەمقورلىقپەن ۇستالدى
ايتا كەتەيىك, 2021 جىلدىڭ جەلتوقسانىندا حامەنوۆا اباي قۇنانباەۆقا ەسكەرتكىش ورناتۋ جوباسىن ىسكە اسىرۋ كەزىندە 4,5 ميلليون تەڭگە پارا العان دەگەن كۇدىكپەن ۇستالعان. 2022 جىلدىڭ قاراشاسىندا سوت ونى سىبايلاس جەمقورلىق قىلمىسى ءۇشىن كىنالى دەپ تانىپ, جەتى جىلعا باس بوستاندىعىنان ايىرۋ جازاسىن تاعايىنداعان. الايدا ونىڭ بالاسى بولعاندىقتان, ناقتى جازانى وتەۋ ءۇش جىلعا كەيىنگە قالدىرىلعان.
شىمكەنتتە اۋدان اكىمى ەر ادامدى سوققىعا جىقتى: تارتىپتىك ءىس قوزعالدى