جىل باسىنان بەرى قازاقستان ۇلتتىق ەلەكتروندى كىتاپحاناسىن پايدالانۋشىلار سانى 227 446 وقىرمانعا جەتتى. اۆتورلاردىڭ رۇقساتىمەن جۇكتەلگەن قۇجاتتار سانى 329 485 بولسا, جالپى ماتەريالدار 1 408 540 رەت قارالعان.
ۇلتتىق ەلەكتروندى كىتاپحانانى الەمنىڭ ءارتۇرلى ەلدەرىندەگى پايدالانۋشىلار دا قولدانادى. ولاردىڭ قاتارىندا قىتاي, رەسەي, اقش, ۆەتنام, وزبەكستان, تۇركيا, نيدەرلاند, فرانتسيا, قىرعىزستان مەملەكەتتەرىنەن تىركەلگەن وقىرمان بار.
كىتاپحانا قورىندا 64 تىلدەگى 84 664 قۇجات ساقتالعان. ونىڭ ىشىندە ءتۇرلى باعىتتاعى كىتاپتار, عىلىمي ماقالالار, گازەت-جۋرنالدار, ديسسەرتاتسيالار, نوتالار, اۋديو-بەينە ماتەريالدار مەن ارحيۆتىك قۇجاتتار بار.
قازاقستان ۇلتتىق ەلەكتروندى كىتاپحاناسى – قازاقستاندىق مازمۇنداعى كەڭ كولەمدى اقپارات ۇسىناتىن تۇڭعىش مەملەكەتتىك كىتاپحانا پورتالى. پورتالدىڭ ەرەكشەلىگى – كورۋ قابىلەتى بۇزىلعان جاندارعا بەيىمدەلىپ جاسالۋىندا بولىپ وتىر. سونداي-اق كەز كەلگەن پايدالانۋشى پورتالعا تىركەلمەي-اق تولىق ءماتىندى قۇجاتتارمەن تانىسا الادى.