ءىىم رەسمي وكىلى شىڭعىس الەكەشەۆتىڭ ايتۋىنشا, قالالارداعى كوشەلەر مەن قوعامدىق ورىندارداعى جاعداي تۇراقتى باقىلانادى. بۇل باقىلاۋ جەدەل باسقارۋ ورتالىقتارىنىڭ بەينەكامەرالارى ارقىلى دا جۇرگىزىلىپ جاتىر, دەپ حابارلايدى Egemen.kz.
«ازاماتتاردان نەمەسە سايلاۋ كوميسسيالارىنان تۇسكەن كەز كەلگەن ءوتىنىش بويىنشا پوليتسيا قىزمەتكەرلەرى جەدەل ارەكەت ەتىپ جاتىر. قازىرگى ۋاقىتقا دەيىن رەفەرەندۋم بارىسىندا قوعامدىق ءتارتىپتى ورەسكەل بۇزۋ فاكتىلەرى تىركەلگەن جوق. پوليتسيا – داۋىس بەرۋ تولىق اياقتالعانعا دەيىن قىزمەتىن جالعاستىرادى. نەگىزگى ماقسات – ازاماتتاردىڭ قاۋىپسىزدىگى جانە قوعامدىق ءتارتىپتى قامتاماسىز ەتۋ», دەدى سپيكەر «رەفەرەندۋم – 2026» ونلاين-مارافونى اياسىندا وكق الاڭىندا وتكەن بريفينگ بارىسىندا.
باس پروكۋراتۋرا: رەسپۋبليكالىق رەفەرەندۋم وقىس وقيعاسىز تۇراقتى تۇردە ءوتىپ جاتىر
ەسكە سالايىق, ساعات 16:00-دەگى جاعداي بويىنشا رەفەرەندۋمدا داۋىس بەرگەندەر سانى 64,43 پايىزعا جەتتى.