حالىقارالىق بايقاۋشىلارعا قولعابىس كورسەتۋ ورتالىعىندا وتكەن ءباسپاسوز كونفەرەنتسياسىندا يگور پەتريشەنكو تمد ميسسياسى قازاقستاندا 19-رەت باقىلاۋ جۇرگىزىپ وتىرعانىن ايتتى, دەپ حابارلايدى Egemen.kz.
قازىرگى تاڭدا 161 حالىقارالىق بايقاۋشى اككرەديتتەلگەن. باقىلاۋ قازاقستاننىڭ 9 وڭىرىندە جانە شەتەلدەگى 12 مەملەكەتتە جۇرگىزىلىپ جاتىر. بايقاۋشىلار 520-دان استام سايلاۋ ۋچاسكەسىنە بارعان.
رەفەرەندۋمدا داۋىس بەرگەندەر سانى 64,43 پايىزعا جەتتى
ميسسيا باسشىسى وعان قىزىقتى بولىپ كورىنگەن ءبىر جاڭاشىلدىق تۋرالى ايتىپ ءوتتى. ونىڭ سوزىنشە, ۋچاسكەلەردىڭ بىرىندە داۋىس بەرىپ شىققاننان كەيىن جاس جىگىت قىزعا ۇيلەنۋدى ۇسىنعان, ال قىز كەلىسىمىن بەرگەن.
«بۇل دا قازاقستان جاستارىنىڭ ەلەكتورالدىق ناۋقانعا بەلسەندى قاتىسىپ جاتقانىن كورسەتەدى. ايتا كەتەيىن, ءبىز قوعامدىق باقىلاۋشىلاردىڭ اراسىندا كوبىنە جاستاردىڭ كوپ ەكەنىن بايقادىق. جاستار شىنىمەن دە ەلدىڭ بولاشاق دامۋىنا الاڭدايدى, ويلايدى. مەنىڭ ويىمشا, قابىلداناتىن شەشىم قازاقستاننىڭ وڭ جانە تۇراقتى دامۋى ءۇشىن قابىلدانادى», دەدى يگور پەتريشەنكو.
قىرعىزستان وسك توراعاسى: رەفەرەندۋمنىڭ تاريحي ماڭىزى زور