پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا ەلدىڭ جاڭا كونستيتۋتسياسىن قابىلداۋ جونىندەگى جالپىۇلتتىق رەفەرەندۋمعا قاتىستى, دەپ حابارلايدى Egemen.kz.
ايدا بالاەۆا ۇلتتىق اكادەميالىق كىتاپحانادا ورنالاسقان №129 رەفەرەندۋم ۋچاسكەسىندە داۋىس بەردى.
بۇگىنگى وقيعانىڭ ماڭىزدىلىعىنا توقتالعان پرەمەر-ءمينيستردىڭ ورىنباسارى جاڭا كونستيتۋتسيانى قابىلداۋ ەلدىڭ ودان ءارى دامۋىنىڭ ماڭىزدى كەزەڭى ەكەنىن اتاپ ءوتتى.
«حالىقتىق كونستيتۋتسيانى قابىلداۋ ادىلەتتى ءارى پروگرەسسيۆتى قازاقستان قۇرۋدى كوزدەيدى. بۇگىن قازاقستاندىقتار دۇرىس تاڭداۋ جاسايدى دەپ ۇمىتتەنەمىن», دەدى ا.بالاەۆا.
سونىمەن قاتار, مادەنيەت جانە اقپارات ءمينيسترى رەفەرەندۋم كۇنى قازاقستاندىقتاردىڭ جوعارى ازاماتتىق بەلسەندىلىگىن اتاپ ءوتتى. ونىڭ ايتۋىنشا, تاڭەرتەڭنەن باستاپ ازاماتتاردىڭ داۋىس بەرۋگە بەلسەندى قاتىسۋى بايقالىپ وتىر. بۇل ەلدە اشىق قوعامنىڭ قالىپتاسقانىن, ساياسي مادەنيەتتىڭ وسكەنىن جانە ازاماتتاردىڭ مەملەكەتتىڭ بولاشاعىنا جاۋاپكەرشىلىكپەن قارايتىنىن كورسەتەدى.
قازىعۇرتتا 100 جاستان اسقان قاريا داۋىس بەردى
ء«بىز تاڭەرتەڭنەن باستاپ اقپاراتتىق كەڭىستىكتى باقىلاپ وتىرمىز. قۋانتاتىنى – حالىقتىڭ رەفەرەندۋمعا قاتىسۋ بەلسەندىلىگى جوعارى. مەن قازاقستاندا اشىق قوعام قالىپتاسقانىن, ساياسي مادەنيەتى جوعارى ءارى ازاماتتىق جاۋاپكەرشىلىگى ايقىن ەكەنىن كورىپ وتىرمىن. بەيجايلىق جوق, كەرىسىنشە, سۇيىكتى ەلىمىزدىڭ بولاشاعى ءۇشىن سانالى جاۋاپكەرشىلىك بار. بۇل – 2019 جىلدان بەرى مەملەكەت باسشىسى جۇرگىزىپ كەلە جاتقان ادىلەتتى ءارى پروگرەسسيۆتى قازاقستان قۇرۋعا باعىتتالعان ساياسي رەفورمالاردىڭ ناقتى ناتيجەسى دەپ ويلايمىن», دەدى ۆيتسە-پرەمەر.
ايتا كەتەيىك, داۋىس بەرۋ ءۇشىن رەفەرەندۋم ۋچاسكەلەرى استانا ۋاقىتى بويىنشا تاڭعى 7:00-دەن 20:00-گە دەيىن اشىق بولادى.
102 جاستاعى ۇلى وتان سوعىسىنىڭ ارداگەرى رەفەرەندۋمدا داۋىس بەردى