مەملەكەت باسشىسى نۇرسۇلتان نازارباەۆ «قازاتومونەركاسىپ» ۇاك» اق باسقارماسىنىڭ توراعاسى نۇرلان قاپپاروۆتىڭ قايتىس بولۋىنا بايلانىستى ونىڭ وتباسى مەن جاقىندارىنا كوڭىل ايتۋ جەدەلحاتىن جولدادى, دەپ حابارلادى پرەزيدەنتتىڭ ءباسپاسوز قىزمەتى.
ەلباسى ن.قاپپاروۆتىڭ كەنەتتەن قايتىس بولۋىنا بايلانىستى كوڭىل ايتتى.
جەدەلحاتتا ەل تاۋەلسىزدىگىنىڭ العاشقى جىلدارىندا ن.قاپپاروۆ جاستار اراسىنان دارالانىپ شىققان كاسىپكەر رەتىندە تانىلعانى اتاپ وتىلگەن. ول ءار جىلدارى «قازاقويل» ۇلتتىق مۇناي-گاز كومپانياسى» جاق پرەزيدەنتى, قورشاعان ورتا جانە سۋ رەسۋرستارى ءمينيسترى, «قازاتومونەركاسىپ» ۇاك» اق باسقارماسىنىڭ توراعاسى بولدى, سونداي-اق, باسقا دا جاۋاپتى لاۋازىمداردا وزىنە جۇكتەلگەن مىندەتتەردى ابىرويمەن اتقاردى.
«ن.قاپپاروۆ ءوزىنىڭ مول ءبىلىمى مەن تاجىريبەسىن ءاردايىم ەلىمىزدىڭ ءوسىپ-وركەندەۋىنە جۇمساعان دارىندى ۇيىمداستىرۋشى بولدى. حالقىمىز ونىڭ ەسىمى مەن ەڭبەگىن ۇمىتپايدى», – دەلىنگەن جەدەلحاتتا.