قازاقستاننىڭ ەڭبەك ەرى, پاۆلودار وبلىسى «تاۋەلسىز قازاقستاننىڭ حالىق باتىرلارى» قوعامدىق بىرلەستىگى پاۆلودار وبلىستىق فيليالىنىڭ توراعاسى رىشات امىرەنوۆ ەكىباستۇز قالاسىنداعى №373 رەفەرەندۋم ۋچاسكەسىنە العاشقىلاردىڭ ءبىرى بولىپ كەلدى, دەپ حابارلايدى Egemen.kz.
رىشات امىرەنوۆ الا تاڭمەن تالاسا ويانىپ, ماڭىزدى ساياسي ءىس-شاراعا اسىعىپ كەلگەنىن جەتكىزدى. سەبەبى ازاماتتاردىڭ تالاپ-تىلەگى ەسكەرىلگەن جاڭا كونستيتۋتسيامىزدىڭ بولاشاق ۇرپاققا بەرەرى مول دەپ ەسەپتەيدى.
قازاقستاندا جاڭا كونستيتۋتسيا جوباسى بويىنشا داۋىس بەرۋ باستالدى
«ەستەرىڭىزدە بولسا, وتكەن جىلى مەملەكەت باسشىسى جۇمىسشى ماماندىقتارىنىڭ بەدەلىن ارتتىرۋ ماسەلەسىنە ەرەكشە نازار اۋدارىپ, «جۇمىسشى ماماندىقتار جىلى» دەپ جاريالادى. ءوزىم دە جۇمىسشىلار اۋلەتىنەن شىققانمىن. كومىر ونەركاسىبىندە 38 جىل ەڭبەك ەتتىم. ادال ەڭبەك ماڭىزدى. اتا زاڭىمىز نەگىزىندە ادام جانە ادامي قۇندىلىقتار, بيلىك تارماقتارىنىڭ تەڭگەرىمى, زاڭ ۇستەمدىگى مەن الەۋمەتتىك ادىلەتتىلىك قاعيداتتارى جاتىر. ءبىز ورتا جاستان اسىپ, اقساقالدىق جاسقا جەتىپ قالدىق. ەندىگى قوعامنىڭ كىلتى – ءبىزدىڭ بالالارىمىزدا. ال كونستيتۋتسيا ولارعا قىزمەت ەتۋى كەرەك. سوندىقتان مەن بۇگىن ءوز تاڭداۋىمدى جاساۋعا كەلدىم», دەيدى ول.
ايتا كەتەيىك, رەفەرەندۋم كۇنى الماتىداعى بارلىق سايلاۋ ۋچاسكەسىندە ەرەكشە ءارى زاماناۋي فوتوايماقتار ۇيىمداستىرىلدى.
پاۆلودار وبلىسى