«189 كۇن ىشىندە تالقىلاۋلارعا مىڭداعان ازاماتتار, ساراپشىلار مەن قوعام بەلسەندىلەرى قاتىستى. وسى كەزەڭ بويى ءبىز قوعامدىق بەلسەندىلىكتى جانە ازاماتتاردىڭ كەڭىنەن اتسالىسقانىن كوردىك. شىن مانىندە, بۇل رەفەرەندۋم قازاقستاننىڭ بولاشاعىن ايقىندايدى. بۇگىن ازاماتتار قانداي قوعام قۇراتىنىمىزدى, ەلىمىزدىڭ قانداي قۇندىلىقتار مەن قاعيداتتار نەگىزىندە داميتىنى تۋرالى شەشىم قابىلداۋدا», دەدى ەرلان قارين.
گەننادي گولوۆكين قازاقستاننىڭ تايلاندتاعى ەلشىلىگى جانىنداعى ۋچاسكەدە داۋىس بەردى
ەسكە سالا كەتەيىك, بۇل – سوڭعى 4 جىلداعى ءۇشىنشى رەفەرەندۋم.
«بارلىق ماڭىزدى ءارى شەشۋشى شەشىمدەر رەفەرەندۋم ارقىلى, ياعني بارشا ازاماتتىڭ پىكىرىن ەسكەرە وتىرىپ قابىلدانۋى ءتيىس دەگەن پرەزيدەنتتىك ۇستانىم ساياسي ءومىرىمىزدىڭ قالىپتى نورماسىنا, ورنىققان تاجىريبەسىنە اينالدى. سوڭعى جىلدارى قازاقستان مەملەكەت پەن قوعام اراسىنداعى اشىق ديالوگ پەن بىرلەسكەن شەشىمدەر قابىلداۋدىڭ ۇلگىسىن كورسەتىپ كەلەدى. ەلىمىز ساياسي ءومىردىڭ جوعارى سەرپىنى مەن پروگرەسكە دەگەن ۇمتىلىسىن پاش ەتۋدە», دەدى ەرلان قارين.
قازاقستاندا جاڭا كونستيتۋتسيا جوباسى بويىنشا داۋىس بەرۋ باستالدى